Popular Bible Verses from Filiipo 1

Share

Me ndi na hiitu ti: Nzambi wu abaandihi usa isalu hi hibwe ŋa hati la benu, ukwilala mu ubaasa hyo, nate hu tsukusu, mu ilumbu hi Kristo Yisu hu uyafutaha.

Mono ma me ndi mu upondo huli Nzambi, mu masambulu ma me ni ti, litondo la benu libaasinzakula. Me ndi upondo huli nde kaka ti, benu liyaba na utsikaha bubwe-bubwe, buni benu lafwana udyata ŋa busu bwa bana, mu nzaabili ya mbuli. Ni buuna, benu luuyaba usilasa ndyatili yimbwe. Benu luuba banga imbuli na ba baavele na masyembo, mu ilumbu hya nziili a Kristo.

Ka mu me, Kristo ni idiingu hya me. Na lipfu, aka ni kaluha a me.

Me ndi mu upfutala matondo huli Nzambi, pasi tangu yi me ndi mu unzibwala monyi mu benu.

Pasi bu buuyiila, dyataani we bu hwayelemene na Musamu wu Mubwe wa Kristo. Tso me nzidi, tso me pelinza, me mbanzuha babaaleele ti, benu laavangama mu matsimi mamosi, na lili mu usala itwadi mu mutima mumosi, mu ulwanila Musamu wu Mubwe wu bisu laayaki.

Li me ndi mu ukeele na usa hiitu mu lo ni ti, me a handi na tsonyi mu pasi dyambu ve. Li me ndi mu utondo loloyi, we mu pasi tangu na hiitu hyosi ni ti, Kristo uyaka muyusu mu nyutu a me. Me tso amba monyi, me tso akwa.

Ka Nzambi hava benu hyese hi usalila Kristo, ndulu a mu usa imiinu hya benu mu nde ve, ka napa mu umono pasi mu nde.