Popular Bible Verses from Malako 6

Share

Na Yisu aleeli bo: «Yaani ŋa muvanga, ŋa mbuha a tswehi na vuumaani hoole.» Nde haaleeli buuna, mu tooni ati, baatu ba balahi baakaya na baakafutaha, buuna bo a baakabaha tso taangu yi udya ve.

Na Yisu aleeli bo: «Bubaakiinza mumbihuli pasi tsyelo, vengo mu tsi a nde, ŋa hati bibaayaka ikuta hya nde na mu nzo a nde.»

Taangu yi Yisu hasutihi mu hyabu, nde amoni koonge a baatu yinene. Na mutima a nde aluuli mu lingebe la bo mu tooni ati, bo baabeedi we mameme ma maavele a keedi. Buuna, nde abaandihi ulongese bo bisiha bi bilahi.

Yisu a hakitwala uvaanga ipadi tso imosi ŋaana ve. Vengo ubeeloso hwa mwa babeedu mu usuusala hwa bo myoho. Na nde akimuhi, mu pelili a bo yi imiinu. Yisu akayene mu mala ma ibiingi mohiina, mu ubaalongese baatu mambu ma Nzambi.

Yisu avoli mapa ma mataanu na batswi baboole. Asiimbuli miisu hu yulu na asambili mu uvondo lisyeme. Titswene, atabuli mapa na aviidi mo huli bayihi, mu ukabila huli koonge a baatu. Yisu akabi kaka batswi baboole huli boosi. Boosi baadiidi na baaywaati. Na bayihi baatoli na baabehi byebe kuumi na byole bi byaluuli mu bitini bi mapa na bi batswi bi byasalili.