Popular Bible Verses from Ngalaatiya 6

Share

A likolo mu uvanga mamabwe ve. Mu toni ati, sa likuukaha mu tangu yi yafwana, tso livelimwese ikolili.

Ni mu buuna, bu tangu yimonihili, libaavangani mamabwe huli pasi muutu, fula-fula huli baana ba ngu ba imiinu mu Kristo.

Baabitasanani mipfuna: buna benu sa likuhasa mukele a Kristo.

Kebaani: Nzambi a bubaakwede ve. Bi muutu ubaakuna, ni bi nde ubaakukaha.

Woosi wu ubaakuna mu musunya, nde sa akuukaha bi byabolo; bi bibaabita hu lipfu. Ka woosi wu ubaakuna mu Livupu, nde wuuna sa akuukaha bya monyi wu bilima na bilima.

Baana ba ngu, tso bayabiisa muutu bikuma mu uvanga lilibi, benu ba lili na livupu la Nzambi, sungahani nde mu bulembo. Na kebe we mwakulu kaka, mu uvelebwa mu lobese.

Tso muutu li mu unyeme mu biita la nde, hwavele uba na tsongo, nde li mu upfuta nde mwakulu. Pasi muutu abaakengese mavanga ma nde mwakulu. Buuna, nde utwala unyeme mu nde mwakulu, ka a mu muutu mukima ve. Mu toni ati, pasi muutu ahwama na mavanga ma nde.