Popular Bible Verses from Ngalaatiya 5

Share

Ka mimbutu mi Livupu ni litondo, kinya, hyenze, taasili a bana, mutima wu mubwe, kangimini, bulembo na uyaaba utuma linyutu. Mikele a mili mu ulwanisa mavanga ma pila moyiina ve.

Ni mu buuna, me ndi mu undeele bu: Nyahani Livupu libaatuma idiingu hya benu. Tso lisidi buuna, benu alubwesingala tso hole, lituma li mapeyu ma musunya ve.

Livupu laava bisu monyi. Buuna, livaani lo bunyanga mana lo lituma ndyatili a bisu.

Ka boosi ba bali mu Yisu Kristo baamiiduba linyutu la bo li masumu, na mapeyu na manzala ma lo.

Ka mavanga ma musunya mali ma maamonehele: ni bumbembo, mayamba, mbiili ya yayuhu, tsalili bifwita, bunganga, iboho, midiingu, nyengi mu bana, mitsotso, mafufu, kabwili, maakabu ma mabuli, peyu ubaha, kolili malamu, mikuungi mi mubaka udya na unywa na mavanga makima ma pila moyiina. Me apfwana ubweyibusa benu we bu me mbedi amiitswamina uleele: ba bali mu usa mavanga momaana, a bu ukoto mu Ipfumu hya Nzambi ve.

Baana ba ngu, benu lili ba baateele mu uba bunyanga. Ka ndulu, benu a lisalila bunyanga mobuuna, mu ukuhasa mapeyu ma musunya ve. Ka nyahani mukele litondo atuma benu, mana benu li baasalasana.

Mu toni ati musunya na mapeyu ma maakakana na ma Livupu; na Livupu kaka lili mapeyu ma maakakana na ma musunya. Bo baboole bali mu ulwana. Ni mu buuna, benu libaaveletwala usa libwe li benu litondi usa.

Mu toni ati Mikele myosi mya kuukama mu dyambu limosi; ni linili: «Tondo muutu na we, we we mwakulu.»

Bisu a liba banga a nyeme ve. Na lipala mu ipfu hi ubaasongosono. A liba kaka na linyungi benu na benu ve.

Kristo ava bisu bunyanga mana bisu liba bunyanga mu mbuli. Ni mu buuna, hwadaani mu ubwevelefutaha hutso a ikoholo hi buviha.