Popular Bible Verses from Pwede abwa 6

Share

Mmɛ kɔʼɔ ekere e zo akwoshi m̀pwɔ̀ bèʼebɔ deʼ. Ekumu egho wɛ à me kwaʼa m̀pwɔ̀ bèʼebɔ yɛ ngɛ à na ewu. Abɛ bɔ kudu ma kìrì achim ngɔ, ma ndɛʼ ekama ebe engɔ é klini antiri bɔ ŋwaʼ efwɔ entiri kwɛ̀ edɔm chwâ. Â ga ebe engɔ kpe e zhudu bɔ efwɔ ese ene ebyeŋwɔ̀ mane chwɔ, achuu mane nyɛmɛrɛ twatwa efwɔ ese.

Mmɛ kɔʼɔ ekere gɛrɛ zɔ m̀pwɔ̀ bèʼebɔ bla deʼ me tama aŋu. Egho à me kwaʼa m̀pwɔ̀ beʼebɔ yɛ ngɛ me bere ewuantsɛ̀. Â gɛrɛ ge ǹtàm m̀fɔ̀ ato ngɔ. Engɔ gli na àngwè ebiri kamakam ma ngwè à fɔɔ nɔ. Engɔ a na ngo fɔɔ ebiri wɛ à ma ngo ngwe nè bɔ m̀pɛ̀ʼ mɔ ngɛ.

Éngɛ ŋwɔ ǹglɔ̀ fuʼu adwe nùrù tan, mmɛ kɔʼɔ zɔ echud yɛ a ma twɔ̀n adwe aŋu ngɛ. Mmɛ zɔ ezhwɛɛrɛ abɔ byɛ â zhudu angɔ mbɔʼnga â sɛɛrɛ ega Ngwe gɛrɛ ga éŋwaʼa mbɔʼ Ngwe na antsɛ nɔ ene aghɛʼnji yɛ mbyɛɛ le ebɛrɛ anyi ngɛ.

Ezhwɛɛrɛ bɔnɔ flaba ene etsoʼ kɛkɛ kpe, “Masakɛ Angwanìm, ngwo wɛ ngwo me pɛ gɛrɛ mwɔ éŋwaʼa ngɛ, na endzobo tse ngwo ma ngo sɛʼ bɔ efwɔ ese gɛrɛ shi ge enyii akwa abɔ byɛ â zhudu angbɛɛ ngɛ?” Ngwe à ndɛʼ angwa dɔɔ ǹdi bla ebe gho ŋwàʼaŋwàʼ abwaʼ angɔ. Â gɛrɛ ga ebe angɔ kpe mbɔn dye kuuru ńtara ntsɔn mpiʼ bwɛrɛ èndzobo nuru bwɔngwa byɛ â mwɔ bɔ afwɛʼ Yeso na mbɔn ngɛ mane bwɔngwa achim kristo byɛ e ma ngo zhudu angɔ na a zhudu angɔ ngɛ ma zeʼe é kla angɔn ngɛ.

Éngɛ m̀pwɔ̀ bèʼebɔ tsɛrɛ gli zeʼe afwɔ yɛ atan m̀fɔ̀ à mwɔ ngɛ mwɔ efan. Ngwe à ndɛʼ angwa ebyeŋwɔ̀ mane ekama ebe egho wɛ à me kwaʼa ngɛ é chi m̀bwarambwad efwɔ ese mbɔʼtye bɔ sa gbɛ̀dɛ̀ àmɔ̀ àmɔ̀.

Anji bɔɔbɔɔ yɛ Ngwe mane ŋwɔ ǹglɔ̀ ma ge enyii akwa bɔ ngɛ shi zeʼe. Tsɛ̀ʼ gho deʼ ma ngo pɛ enyii zɔnɔ bo.”

Éngɛ ŋwɔ ǹglɔ̀ fuʼu adwe yɛ à me bwɛrɛ nùrù mfo ngɛ, mmɛ kɔʼɔ zɔ chwâ binni ekama, etaranchwe kwaʼ di na ǹdi ku nɔ. Eta gimkpaʼ kwaʼ fàn na anɔm nɔ. Ńtɔrɔta sa nyɛ̀rɛ̀ ezob turu a chwâ ne enta azɔd ma turu èndzobo chɛ efùu kamakam ma fùu ngɛ nɔ.

Èndzobo chɛ eŋwɔ ǹglɔ̀ wɛ à chi adwe nùrù tɛd ngɛ, mmɛ zo enyɛm ǹgɛ̀ kɔʼɔ yɛ à me bwɛrɛ nùrù tɛd ngɛ ga kpe, “Zeʼe!” Mmɛ kɔʼɔ gɛrɛ zɔ m̀pwɔ̀ bèʼebɔ tsɛrɛ edi. Egho wɛ à me kwaʼa m̀pwɔ̀ bèʼebɔ ngɛ me bere ala mo ela abwo mɔ. Éngɛ mmɛ zo ala deʼ na etsoʼ nɔ ga abwaʼ nyɛmɛrɛ kɔʼɔ chɛ ekwɛ̀ ngɛ kpe, “E na nɛ̀rɛ̀ afwɛʼ anji ŋwaʼ ene aka ebun ǹkùru ŋwaʼ gɛrɛ nɛ̀rɛ̀ afwɛʼ anji ŋwaʼ ene eka ala deʼ e ma zɔ̀ʼrɔ̀ kpe bɛli ngɛ ètɛd. Bɛli a ne kama ekɛb, bɛʼngɛ mbɔn shi ke tsɔŋɔ ngud olif ene mɔm bo.”

Ezob sodo ekere na aŋwɛʼrɛ fudu nɔ. E chi egu ŋwaʼaŋwaʼ mane eklaba ndim ŋwaʼaŋwaʼ afwɔ àmɔ̀. Éngɛ m̀fɔ̀rɔ̀ gimkpaʼ efwɔ ese, bwɔ ǹtɔʼ, eto ebe bɔ ebiri, bɔ akɛb, bɔ kamakam, bɔ gimkpaʼ, àdzob mane engɔ byɛ e ne mwɔ àdzob bo ngɛ namma efwɔ alaʼ efwɔ akob yɛ â mwɔ egu ngɛ.