Popular Bible Verses from Pwede abwa 20

Share

 gɛrɛ ndwa abɔ byɛ akumu angɔ à me tsɛʼ efwɔ aŋwɛʼrɛ etyê bo ngɛ efwɔ edzɔ aŋu.

Mmɛ zɔ bɔ kudu a m̀pèrempèrè, àkɛ nè akpara, e me tamma efàarà atan m̀fɔ̀ yɛ. E fuʼ eŋwɛʼrɛ byɛ Ngwe à me ŋwɛʼrɛ abwa mbɔʼ angɔ efwɔ ngɛ. Â gɛrɛ ne fuʼu aŋwɛʼrɛ tsɛrɛ. À ne efwɔ aŋwɛʼrɛ yɛ wɛ a me ŋwɛʼrɛ akumu abɔ byɛ e ma ngo mwɔ nè Ngwe ene akyɛ kengudu ngɛ. Â sɛʼ bɔ kudu ene abwa yɛ angɔ à shi le ngɛ aŋu aŋwɛʼrɛ yɛ à tee ngɛ.

Abɔ byɛ â kudu efwɔ ndim ngɛ a ngɔɔ ebe Ngwe é sɛʼ esɛʼ amɔ. Abɔ abɛ byɛ a shi kudu mwɔ abɛ bɔ kudu ngɛ gɛrɛ ngɔɔ efàarà Ngwe kpe è sɛʼ angɔɔ nyɛ̀rɛ̀ zèʼe ene eleabwa angɔ. Éngɛ e dɛmɛ ewu mane abɛ bɔ kudu ndwa efwɔ edzɔwu zɔnɔ. Ewu nùrù fyee ne efwɔ angwa edzɔwu.

Mmɛ zɔ angwa atan m̀fɔ̀ deʼ, e bla, yɛ Ngwe à me tsɔmɔ edɔm ngɛ. Ezɔɔrɔ Ngwe le chwâ mane ezob firi ǹkàrà, gho deʼ ne ma wa zɔ bo.

Èndzobo chɛ enɔ̂m ètɔɔshin wum bɔnɔ ma myɛ ngɛ, e shi chidi dzɔmɔrɔ ekwa asatan, chi efwɔ ndɔdzɔm. Endzobo chɛ engɔ ma gli a ndɔdzɔm ngɛ, è wa ngɔɔ efwɔ ǹdɔʼrɔ ese kwɛ̀, sa ndooro bɔ efwɔ ebɛ gimkpaʼ. Ǹdɔʼrɔ ese kwɛ̀ tsɔnɔ na Gog mane Magog. Asatan wa bùumu angɔ afwɔbi é ti ebiri. Angɔ ba ngo me ghɛʼ ne ńchiri eba eji ngɛ.