Popular Bible Verses from Pwede abwa 19

Share

Ntsɔ sa sɛnɛ sa gɛnɛ abɔ gɛ̀rɛ̀ sa ndɛ̀ʼ eghɔ ebe engɔ enga endzobo nu-aye ŋwɔ ǹglɔ̀ shi zeʼe, eŋwɔaye wɛ gɛrɛ shi ndeere amɔ é nu engɔ.

E me ŋwɛʼrɛ ene adwɔ ǹdi mane anam alo ngɔ kpe, “M̀fɔ̀ ebe m̀fɔ̀rɔ̀ gimkpaʼ mane Masakɛ ebe èmasakɛ gimkpaʼ.”

Mmɛ gɛrɛ zɔ ezob me fuʼu, m̀pwɔ̀ bèʼebɔ bla me tam aŋu. E ma zɔʼrɔ egho wɛ me kwaʼ m̀pwɔ̀ bèʼebɔ yɛ ngɛ kpe Gho wɛ Ma fwɛʼ ebe Ngwe ene Etaa mɔ gimkpaʼ ngɛ, ma sɛ̀ʼɛ bɔ ma ti m̀bùʼ ene abwa yɛ a me koʼro ngɛ.

Aghɔɔ ngɔ à na nɛŋɛrɛ ne éwu nɔ. Engɔ à ne ge ǹtàm ara m̀fɔ̀ ato mɔ eghɛʼ. Â ne ŋwɛʼrɛ ekumu deʼ anyi wɛ gho deʼ ne me nɛɛ bo ngɛ, a shi me nɛɛ tye engɔ mɔmbwo. Ǹdi yɛ engɔ à me ge ngɛ à ne zhwaʼa ene anɔm. Ekumu ngɔ na “Ega Ngwe.”

Ebyeŋwɔ̀ twatwa à gli eklo ngɔ. Ne ebyeŋwɔ̀ wɛ engɔ à gli é zhudu bɔ efwɔ ebɛ akɛkɛ anyi. Engɔ wa ngo klini angɔ ene ebwo kamakam. E ba ngo dzɛ̀ddɛ̀ afwɔ yɛ e ma to enta azɔd byɛ e ma ndèerè mɔm anyi ngɛ ene eboo kamakam Angwanìm Ngwe.

Éngɛ â bere nyɛm zɔnɔ mane bàmɛnɛkɔn andɔɔ byɛ â ma le anɛ̂ abwa bɔɔbɔɔ ene ekumu nyɛm zɔnɔ ngɛ. Anɛ̂ abwa andɔɔ zɔnɔ à le bɔ akɛkɛ bɛrɛ é nu anɛ̂ nyɛm zɔnɔ gɛ̀rɛ̀ sa ghɔ ala yɛ â me ndeere a me nu ezɔɔrɔ enyɛm zɔnɔ ngɛ. Â bɛʼrɛ nyɛm ǹgɛ̀ zɔnɔ mane bèmpwɔnɔntɔm andɔɔ mɔ fyee àkɔʼɔ sàa efwɔ edzɔwu yɛ a ne ma nyimi bo ngɛ, angɔ fe efwɔ.