Popular Bible Verses from Pwede abwa 2

Share

Bɛʼngɛ ebwa deʼ we twa angu mbɔʼ mbɔn, kpe mbɔn ke wu doʼ angu na aŋu a mwɔ ambèmbè ngɛ bo.

Éngɛ mbɔn zhuŋu afwɔ yɛ mbɔn me go ebwa ngɔɔ bwɛn aŋu ngɛ. Mbɔn waʼ abwa bɔɔbɔɔ ndzɔn è fwɛʼ aŋu mbɔn à de ma fwɛʼ endzobo mbɔn a klada kiri Yeso ngɛ, ne me éngɛ bo, mala mbɔn ma fɔɔ embè ene abwa bɔɔbɔɔ, mmɛ wa anji ma zeʼe é chi echud tɛʼ anâm ndzɔn afwɔ mɔ mala mbɔn ne kobo bo.

Mbɔn ke bum enyii yɛ e ma ké zeʼe endɔn ngɛ bo. Mbɔn zhuru, asatan ya ngo kwà̧ʼrà angɔn e ge adeʼ a dzɔm, éngɛ enyii ndzɔn ya ngo mwɔ efwɔ enji wum, bɛʼngɛ mbɔn le ebɛrɛtaa ene mmɛ, ka de mwɔ ewu mbɔn fɔɔ embè é le ebɛrɛtaa ene mmɛ. Mala mbɔn le éngɛ shi mmɛ wa ngo ndɛ̀ʼ angɔn etyê nè ǹtsara ndzɔn ene ende ato nɔ.’

“Egho wɛ me le ètimi ngɛ e zo ebwa wɛ azhwɛɛrɛ Ngwe ma gà ebe ndɔrɔngwe ngɛ. Ebe egho wɛ ngwe fɔɔ abwa bɔɔbɔɔ ngɛ, mmɛ wa ndɛʼ afwɔ ebe egho wɛ é nde anta azɔd yɛ a ma le gho ma tye ekɔʼɔ akyɛ gimkpaʼ ngɛ. Azɔd zɔnɔ ya tɛ̀bɛ a Paradays ngɛ.”

Mmɛ we nɛɛ eleabwa ndzɔn, gɛ̀rɛ̀ nɛɛ aŋu mbɔn à fwɛʼ ekama, mane eklinitaa ndzɔn. Mmɛ we nɛɛ kpe mbɔn ke ma ndɛʼ afwɔ ebe abɔ byɛ e ma tee abwa bɔɔbɔɔ ngɛ bo, mbɔn shi zhweʼre abɔ byɛ e ma ga kpe mbɔɔ na bèmpwɔnɔntɔm shi ne mwɔ angɔ bo ngɛ, mbɔn shi zɔ kpe na bàmɛnɛkɔn andɔɔ.

Mbɔn shi klini etaa gɛrɛ zɔ ǹgoʼ ene ekumu ngu, bɛʼngɛ ńtara ntsɔn a da me kama, mbɔʼnga mbɔn ma bɔ bɛɛrɛ abwa mbu.

Mala mbɔn me le ètimi, mbɔn zhuru ebwa wɛ azhwɛɛrɛ ma ga ebe ndɔrɔngwe ngɛ. Mmɛ wa ngo ndɛ̀ʼ manaa yɛ mmɛ me shi ebe abɔ byɛ e shi ngwe fɔɔ abwa bɔɔbɔɔ ngɛ. Mmɛ gɛrɛ wa ndɛʼ etye bla ebe gho ŋwàʼaŋwàʼ abwaʼ angɔ. E be ŋwɛʼrɛ ekumu fe deʼ edɔm etye yɛ, à me nɛɛ tye egho e ma nu ngɛ tsɛʼ egho tsɛrɛ bo.