Popular Bible Verses from Jem 2

Share

Ane, ibḛfiŋ ne chəyi tìghinùg ya kwàʼ ati ako.

Icheg ne nyàmnyɔd ne chəyi azwighi inga yaʼi ati ako, à ya bə̀ ane ne ibḛfiŋ ne chəyi wə̀d we ghìyə̀ inug chɔm bə yaʼ ati ako.

Ìmbum məfi fɔrɔ ìtum njàbi, wə̀d ne gha zìye bèrì ibḛfiŋ ne chəyi tìghinùg məd te chwìye, chùd ne wì biri jəg àkə iza? Iku ibḛfiŋ we we tì wi pumni aməd?

Àghò bḛ gha Ŋwiye məyi imɔʼ. Ze bɔ̀ŋ! Ka à ya bè izwighi tibɔ̀ŋ, mbɔb bə̀ bḛ ane. Si ya gha, mbɔb ya bḛ nè bìnde.

Wə̀d mɔ̀ʼɔ biri ghà gha, “Àghò bèrì ibḛfiŋ, mo bèrì tìghinùg chɔm.” Wì mə ghà ane, mə biri ghà ibo gha, “Chwi icheg ne àghò beri ibḛfiŋ witì bèrì tighi inug chɔm inum. Àsi mo, mə biri chwi ìmə ibḛfiŋ ine ane inug chɔm mbe ne mə ghìyə̀.”

Mbə̀ ghiyə ane imbə̀ʼ icheg ne anyumə̀ ne Ŋwiye biri saʼ bəd, chəyi wì biri dìgrì igun bəd mbe ne chəyi mbɔb inɔb mbe bə̀ dìgrè igun bəd ndəŋ. Wə̀d ne dìgrè igun bəd, Ŋwiye biri bə dìgrì igun məd anyumə̀ ne wì biri sɔb isaʼi.

Ane, àghò fə bàd gha Ŋwiye ya nìŋə wə̀d gha wè təm kòʼ imbə̀ʼ inug chɔm mbe ne tengàŋ we ghìyə̀, kayi məyi imbə̀ʼ ibḛfiŋ.

Àghò fə bàd gha, ibḛfiŋ məd yaya yḛ̀ tì inug chɔm mbe ne wì yaya ghìyə̀. Àghò fə bə̀ bàd gha ibḛfiŋ məd ya bɔ̀ŋ mànì anjìm inug chɔm mbe ne wì yaya ghìyə̀.