Popular Bible Verses from Jem 1

Share

Ìmbum məfi fɔrɔ ìtum njàbi, mbə̀ ya gyènde mà nyumə̀ ijìm ne mbə̰ mbe chè inga aku àkwàʼrì nɔʼ nɔʼ. Mbə̀ ya ghìyə̀ ane imbə̀ʼ icheg ne mbə̰ kyèri gha àkwàʼrì ya zwèʼre ìwən ibḛfiŋ ni ghì gha mbə kyeri icheg ni nyìʼ fìŋ.

Wə̀d mɔ̀ʼɔ mə̀ yaʼ abɔ̀ʼ inən ne chəyi wì beri iwe, tengàŋ nɔn iwe abə Ŋwiye. Ŋwiye we ne nàʼà ighi abə bəd abu abu bə̀ nàʼà ane fìŋ chɔm, wì biri nàʼ iwe ibo.

Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ ya tɔ àtɔ̀ŋi ane anug. Imbə̀ʼ mbə̰ ya kə ghàmà awən. Imbə̀ʼ mbə̰ ya bə̀ kə gàŋa awən.

Mbə̀ che imbìghè ni nyìʼ fìŋ. Mbə̰ mə̀ taŋ nyìʼ fìŋ ane, nji ìwən ibḛfiŋ biri təm kà, ìwən ikuchèg bə̀ bɔ̀ŋ mànì, ne chəyi anug tibɔ̀ŋ mɔ̀ʼɔ ne tì wə̀d ghà imbə̀ʼ awən.

Imbə̀ʼ mbə̰ si tambi awən ìwən nyɔd gha mbə̰ mbe zùghə Ìngam Ŋwiye. Mbə faʼa anug ne Ìngam Ŋwiye we ghà.

Ŋwiye biri zì àbɔrɔ̀bɔd igun wə̀d we ne nyìʼè fìŋ anyumə̀ ne àkwàʼrì nyi igun məd. À ya ane imbə̀ʼ icheg ne anyumə̀ ne wì che àkwàʼrì ze, wì biri niŋ ineʼi. Ineʼi we ya ìtḛ̀ ighə̀m imɔʼ we ne Ŋwiye ya kàʼi ni nàʼ abə bəd mbe ne kɔŋi aməd.

Tineʼi chɔm ne bɔŋi mànì ya nɔ̀ʼɔ̀ abə Ŋwiye. Ti ya nɔ̀ʼɔ̀ abə Ŋwiye we ne tangi ighi mbe ne zùʼə ikaŋ àbɔ̀ŋɔ. Chəyi məd we kɔ̀pɔ kə̀ ghàbra nyɔd icheg achwi ni ghì gha isiŋi fin.

Wə̀d ne zùghə Ìngam Ŋwiye ne chəyi wì ya fàʼà anug ne Ìngam Ŋwiye we ghà, tengàŋ ya icheg wə̀d ne nḛ̀ ìwi ìfe inga manə̀m, ne anyumə̀ ne wì nḛ ìwi nyɔd, wì nɔ̀ʼ ghò yi, bə̀ nèbì icheg ne wì yaʼi kwàʼ ati.

Anug Ŋwiye ne Ŋwiye ne yaʼi ìwa Mbaʼ wì bḛ gha ze kòʼ bə̀ zen, ya anug ni nèn bɔn iti tì məku àyi, wètì awɔb anyumə̀ ne mbɔb yaʼi inga ngəʼ. Wì bə̀ bḛ gha wə̀d duwə inga inug tibɔ̀ŋ mbe ne yaʼi igun isəg.

Anyumə̀ ne àkwàʼrì nyi igun wə̀d, imbə̀ʼ tengàŋ si gha yi gha, “Ŋwiye zì àkwàʼrì igun inum,” imbə̀ʼ icheg ne chəyi anug tibɔ̀ŋ mɔ̀ʼɔ ne tì ze kwàʼra Ŋwiye, chəyi Ŋwiye we bə̀ kwàʼrà wə̀d. Tesiʼ ya gha, àkwàʼrì ya nyḭ̀yḛ igun wə̀d anyumə̀ ne məd we ghə̀ʼrə̀ inug tibɔ̀ŋ ibo inga fìŋ. À ya inug tibɔ̀ŋ mbe ne yaʼi inga fìŋ abə wə̀d mbe nɔ̀ngɔ aməd, sìmè ghò gha wì ghiyə anug tibɔ̀ŋ.

Wə̀d Kristo we ne chəyi bəd mbe nìŋə məd ane aghi mɔ̀ʼɔ, wì ya gyènde gha Ŋwiye nɔ̀ aməd ikaŋ.