Popular Bible Verses from 2 Timotì 2

Share

Àghò kirə ika ijìm ni təm imbìghè abə Ŋwiye icheg wə̀d àfàʼì ne Ŋwiye bḛ gha wè kòʼ. Təm icheg wə̀d àfàʼì ne chəyi wì beri tìnìrètog, bə̀ təm icheg wə̀d àfàʼì ne nyimi tesiʼ we ne yaʼi inga Ìngam Ŋwiye kwàʼ icheg chɔm.

Àghò ton inug tibɔ̀ŋ mbe ne ngwàʼ bɔd ze kɔ̀ŋɔ̀. Àghò kirə ika ni ya ghìyə̀ inug mbe ne təmi kòʼ. Àghò nɔŋɔ ìwe ibḛfiŋ igun Kristo bə̀ ya ghìyə̀ inug abə bəd ane àkɔ̀ŋì. Àghò chughi ane àbɔrɔ̀bɔd tì bəd. Àghò ya ghìyə̀ inug mbo̰ ijìm icheg ne bəd mbe ne kàrà Anɔŋisəg ane fìŋ ijìm mbe ghìyə̀.

Chəyi wə̀d àfàʼì Anɔŋisəg beri ne ya chɔ̀bɔ. Wì beri ni ya ghìyə̀ ìchɔ̀mì abə bəd məjìm bə̀ kyèri icheg ni chwiti inug abə bəd. Wì beri ni yaʼ wə̀d ne chəyi we kə zàmbà gàŋa.

Tì mə to̰ awa ni nɔ̀ŋì ibḛfiŋ igun məd, wì biri kiri kɔ̀ŋ awa imbə̀ʼ icheg ne chəyi tì wì ton anug ze ne wì fə nɔŋi ni fàʼ.

Wì mənyìʼ ya chwìte inug ane àbɔrɔ̀bɔd abə bəd mbe ne to̰ inug mbe ne məd we chwìte. Wì ya ghìyə̀ ane nè nɔ̀ŋɔ̀ ikɔndi gha, Ŋwiye biri ghì mbi bə̀ŋə̀ ìtɔb fìŋ sìkì inug tibɔ̀ŋ, bə̀ ghì mbi kyeri tesiʼ we ne yaʼi inga Ìngam Ŋwiye.

Àghò ton tìngam mɔ̀ʼɔ te ne chəyi te ghìyə̀ wə̀d kyère Ŋwiye imbə̀ʼ icheg ne bəd ne zi atog igun iku tìngam te ya ghìyə̀ inug nɔʼ nɔʼ ne chəyi mbe nàʼà iwumni abə Ŋwiye.