Popular Bible Verses from 2 Tèsàlonikà 2

Share

Imbə̀ʼ mbə̰ saŋa awən gha wə̀d mɔ̀ʼɔ tambi awən ka. Aton ya gha, nyùmə̀ we ne bəd biri ya zɔ̀ŋɔ̀ ni ton awɔb Ŋwiye biri chè, wə̀d inug izəg bə̀ dù asaŋ, bɔŋ aneg ze ne Anɔŋisəg Yeso biri yeʼe se pè. À ya wə̀d ne Ŋwiye fə nɔŋi gha wì biri ghò inga asiŋi ngəʼ ane ighə̀m imɔʼ.

Ìmbum məfi fɔrɔ ìtum njàbi ne Anɔŋisəg kɔ̀ŋi, ze kòʼ ina ni ya nàʼà məyakà abə Ŋwiye imbə̀ʼ awən mà nyumə̀ ijìm imbə̀ʼ icheg ne Ŋwiye ya chɔʼ awən bɔŋ se tànga isəg gha mbə̀ pum. Mbə̰ biri pum icheg ne Azwighi Ŋwiye ze ghìyə̀ mbə zḛ, fɔrɔ anjìm icheg ne mbə̀ nɔŋi ibḛfiŋ igun tesiʼ.

Wə̀d inug izəg we biri chɔʼri inug imbə̀ʼ Ŋwiye bə̀ nɔ̀ ìwi nyɔd igun ighi ijìm mbe ne bəd mbe ghùmnə Ŋwiye angu. Wì biri bə nyi chùghi inga mbàn Ŋwiye se ghà gha zìye ya Ŋwiye.

Anɔŋisəg Yeso Kristo məd məd fɔrɔ Ŋwiye ne yaʼi ìwa Mbaʼ ya kɔ̀ŋ awa ghì ìchɔ̀mì ina bə̀ nəri ìta fìŋ ane icheg ne chəyi ti biri nɔʼ bɔd. Ŋwiye bə̀ ghì tì beri ikɔndi chɔm ni ghɔ̀m isu. Tì ya chàʼrà Ŋwiye gha, wì bə̀ nəri ìtən fìŋ bə̀ nàʼ ika inən ni fàʼ ìfàʼì chɔm ijìm bə̀ ya ghàmà tìngam chɔm mà nyumə̀ ijìm.

À ya aton ne Ŋwiye biri sàŋì awɔb gha mbe febre, se bḛ yaʼ inug ako wən.

Wə̀d inug izəg we biri ya fàʼà inug ne à ya Sàtàn nàʼi ika ibo. Wì biri tambi bəd ane iyeti inug fɔrɔ inug kyen kyen ne wì biri fàʼ ne kayi mbe tesiʼ. Wì biri ghì tiku inug tibɔ̀ŋ nɔʼ nɔʼ ni tambi bəd mbe ne biri ku nim. Mbɔb biri ku nim imbə̀ʼ icheg ne chəyi mbi ya kɔ̀ŋi ni bḛ tesiʼ ni pum.

Ika we ne ghìyə̀ bəd se ghìyə̀ inug izəg, wi fə se fàʼà inga bəd. Wə̀d we ne kə̰ gha imbə̀ʼ inug mbo̰ duwə yi, wì biri chè imbìghè ni kən anene ghò pè ane nyumə̀ ne Ŋwiye biri chì aməd.