Popular Bible Verses from 1 Tèsàlonikà 5

Share

Mbə̀ chughi ane igyendi mà nyumə̀ ijìm. Mbə̀ ya chàʼrà Ŋwiye mà nyumə̀ ijìm. Mbə̀ ya nàʼà məyakà abə Ŋwiye ane inug ijìm mà nyumə̀ ijìm. Aŋa ya anug ne Ŋwiye kə̀bi inən icheg ne mbə̀ yaʼi ane ifɔti tì Yeso Kristo.

Məd Ŋwiye we ne ghìyə̀ bəd chùghə ane àbɔrɔ̀bɔd, wì ghiyə mbə̀ zen mànì. Ŋwiye ghiyə gha àzən azwighi tì ìtən fìŋ fɔrɔ ìtən nyàmnyɔd ya ghìyə̀ inug ne koʼi. Ane, chəyi anug tibɔ̀ŋ mɔ̀ʼɔ ne tì wə̀d mɔ̀ʼɔ ghà imbə̀ʼ awən anyumə̀ ne Anɔŋisəg Yeso Kristo biri ywiri yeʼe. Məd we ne kàri awən ya ghìyə̀ inug mbe ne wì ya kàʼi. Wì biri ghì inug mbo̰.

Mbə̀ kirə ika gha, imbə̀ʼ wə̀d ywìtì yi anug tibɔ̀ŋ igun anug tibɔ̀ŋ. Mbə̀ ya bèrè yaʼ fìŋ chɔm igun wə̀d imɔʼ imɔʼ inga ìwən ifeti fɔrɔ igun bəd ndəŋ məjìm.

Ane, mbə̀ nəri fìŋ abə ìmbən məfi fɔrɔ ìtən njàbi ghì gha ibḛfiŋ wə̀d imɔʼ imɔʼ təm kà. Mbə̀ che imbìghè ni nəri wə̀d imɔʼ imɔʼ kwàʼ icheg ne mbə̰ mbe ghìyə̀ amad anìŋ.

Ìmba məfi fɔrɔ ìta njàbi, tì we bòʼo ibo inən gha mbə̀ pati məgwed. Mbə̀ bə nəri fìŋ abə bəd ne màmà, bə̀ wètì bəd mbe ne koʼi gha mbe wete awɔb. Mbə̀ ya bə̀ nyìmbe fìŋ tì wə̀d ijìm.

Chəyi Ŋwiye ya chɔʼi awa ni zì ngəʼ igun ina. Wì ya chɔʼ awa yaʼ ni chì awa inga ngəʼ anjìm Anɔŋisəg Yeso Kristo.

Mbə̰ məjìm ya ghìyə̀ inug ne koʼi kwàʼ icheg bəd mbe ne ghìyə̀ inug tisi ne isiŋi mbe zḛ. Chəyi tì yaʼi bəd ne ghìyə̀ inug tibɔ̀ŋ icheg bəd mbe ne ghìyə̀ inug izimi ne chəyi tì wə̀d bad.