Popular Bible Verses from 1 Tèsàlonikà 4

Share

Anyumə̀ ne mbi zweme, Ŋwiye biri si niŋ awa mba mbe ne si bùʼ igun isəg, ne yaʼi izɔm, tì gho fɔ̀ti abɔ̀ʼ inɔb inga pàʼ ikaŋ. Mba məjìm biri si bɔ̀mbì tì Anɔŋisəg inga ifə, ikaŋ. Tì biri si yaʼ tì məd ane ighə̀m imɔʼ.

Anyumə̀ ne Anɔŋisəg zìye biri swiʼi ikaŋ, wì biri ghàm ane gì ka ka. Angirə̀ kyen biri bə ghàm. Tàŋ Ŋwiye biri bə̀ ghàm. Bəd mbe ne ya bḛ Kristo bɔŋ ku biri bi zweme.

Anug ne Ŋwiye kə̀bi ya gha mbə̀ chughi ane ikuchèg ne zḛ. Chəyi Ŋwiye kə̀bi gha, mbə̀ ya nɔ̀kɔ̀ mbaŋà kə̀ nɔ̀kɔ̀ mə̀yi abu abu. Wə̀d imɔʼ imɔʼ abɔ̀ʼ inən kyeri icheg ni nyimbi ìwi nyɔd ane icheg ne zḛ bə̀ kòʼ.

Tè bḛ gha Yeso ya ku bə̀ zwème. Tè bə̀ bḛ gha Ŋwiye biri niŋ bəd mbe ne fə ku ne ya bḛ Yeso ghì mbi yaʼ tì Yeso.

Mbə̀ kirə ika ni ghì inug ijìm imbə̀ʼ chughi ane àbɔrɔ̀bɔd. Imbə̀ʼ mbə̰ si ya zìyè awən ìwən ichug inga inug bəd ndəŋ. Wə̀d ziye atog yaʼ ane àzi àfàʼì bə̀ fàʼ ane ìmbi ibo icheg ne tì ya gha inən.

Chəyi Ŋwiye ya kàri awa gha tì ya ghìyə̀ inug tibɔ̀ŋ. Wì ya kàrì awa gha tì chughi ane ikuchèg ne zḛ.