Popular Bible Verses from 1 Jɔn 4

Share

Chəyi wə̀d ne kɔ̀ŋɔ̀ bəd we bɔ. Àkɔ̀ŋì tesiʼ ya kàmna ibɔ chìyè inga wə̀d. Bəd ne bɔ ya bɔ imbəʼ icheg ne Ŋwiye biri chə awɔb. Wə̀d ne chəyi wì ya taŋ kɔ̀ŋɔ̀ bəd ya bɔ.

Àsi awən, mbə̰ ìmbum bɔn, mbə̰ ya bəd Ŋwiye. Ane, mbə̰ fə zɔ̀ŋ chè bədkə̀n mbe ne ghà inug ako imbə̀ʼ icheg ne azwighi ze ne yaʼi inga inən bèrì ika chè azwighi ze ne yaʼi inga isəg.

Tì ya kɔ̀ŋɔ̀ bəd imbə̀ʼ icheg ne Ŋwiye ya fə bì kɔ̀ŋ awa.

Ìmbum mə̀sə̀ʼ, mbə̀ ghiyə tì ya kɔ̀ŋɔ̀ mə̀mbin imbə̀ʼ icheg ne àkɔ̀ŋì ya nɔ̀ʼɔ̀ abə Ŋwiye. Wə̀d we ne kɔ̀ŋɔ̀ bəd, məd ya wə̀d Ŋwiye bə̀ yaʼ wə̀d ne kyeri Ŋwiye.

Wə̀d we ne chəyi wì ya kɔ̀ŋɔ̀ bəd, chəyi wì kyeri Ŋwiye imbə̀ʼ icheg ne Ŋwiye ya kɔ̀ŋɔ̀ bəd.

Aŋa ya aghi ne àkɔ̀ŋì yaʼ àzewən: Kayi mba ya bì kɔ̀ŋ Ŋwiye. À ya məd ya bi kɔ̀ŋ awa, chà ìwi Ŋwan ina gha wì yaʼ aghi àfàtì ne biri sò ìmba inug tibɔ̀ŋ.

Ìmbum mə̀sə̀ʼ, icheg ne Ŋwiye ya bi kɔ̀ŋ awa, tì mənyìʼ ya kɔ̀ŋɔ̀ wə̀d imɔʼ imɔʼ.

Ŋwiye ya chwi icheg ne wì kɔ̀ŋi bəd icheg ne wì ya tɔmi ìwi Ŋwan igun isəg ni ghì gha tì bere ìtḛ̀ anjìm Ŋwan we.

Wə̀d mɔ̀ʼɔ mə̀ gha, “Mə kɔ̀ŋ Ŋwiye” si bàn ìwi ifi, tengàŋ ya wə̀d inug ako. Aton ya gha, wə̀d mə chəyi wì bi kɔ̀ŋ ìwi ifi ne wì ya bàrà, chəyi tì wì kɔ̀ŋ Ŋwiye ne chəyi wì ya bàrà.

Wə̀d ne bḛ gha Yeso ya Ŋwan Ŋwiye, Ŋwiye biri yaʼ ane ifɔti tì məd, məd bə̀ yaʼ ane ifɔti tì Ŋwiye.

Ikə ne Kristo nàʼi ina ya gha, “Wə̀d ne kɔ̀ŋi Ŋwiye, wì mənyìʼ kɔ̀ŋ ìwi ifi”.

Ìmbum mə̀sə̀ʼ ne mə̀ taŋ kɔ̀ŋ, imbə̀ʼ mbə̰ bḛ awən wə̀d ijìm ne ghà gha Azwighi Ŋwiye ze ibo inga fìŋ. Mbə̀ bi zweʼri aməd ni kyeri gha azwighi ze ne yaʼi inga məd kə nɔ̀ʼ abə Ŋwiye? Aton ya gha, bədkə̀n nɔʼ nɔʼ ne ghà inug ako fə sàkà inga isəg. Aŋa ya icheg ne mbə̀ biri chè angu ni kyeri wə̀d ne Azwighi Ŋwiye yaʼi inga məd: Wə̀d we ne bḛ gha Yeso Kristo ya yèʼe inga isəg icheg wə̀d-aku ya wə̀d ne beri Azwighi ne nɔʼi abə Ŋwiye.

Àsi wə̀d ne to̰ yi Yeso, chəyi azwighi ze ne yaʼi inga məd nɔʼi abə Ŋwiye. Àze tì azwighi nɔ̀ʼ yaʼ abə Wə̀d ìpàb Kristo. Mbə̰ ya zug gha, azwighi ze biri ghum yeʼe. Amad anìŋ, ze fə se inga isəg.