Popular Bible Verses from 1 Jɔn 2

Share

Imbə̀ʼ mbə̰ kɔ̀ŋɔ awən isəg kə̀ inug mbe ne yaʼi inga isəg. Wə̀d mɔ̀ʼɔ mə̀ kɔ̀ŋ isəg, ane ya gha, chəyi tengàŋ kɔ̀ŋi Mbaʼ. Aton ya gha, inug mbe ne yaʼi inga isəg ijìm: anug ni ghì inug tibɔ̀ŋ mbe ne nyàmnyɔd ze kə̀bə̀, anug ni nḛ̀ ighi ghə̀ʼrì, tì anug ne bəd mbe kɔ̀mɔ̀ igo imbə̀ʼ ìmbɔb àfàʼì. Inug mbo̰ ijìm nɔ̀ʼ abə isəg kayi abə Mbaʼ.

Isəg ijìm fɔrɔ ighi ijìm mbe ne bəd inga isəg kɔŋi ya chè yi che. Àsi wə̀d we ne fàʼà yaʼ anug ne Ŋwiye kə̀bi, tengàŋ biri jəg ìtḛ̀ ighə̀m imɔʼ.

Wə̀d mɔ̀ʼɔ mə̀ gha zìye we ane anug amɔʼ tì Ŋwiye, məd bèrì ni yèn igun ibɔʼì ighog ìmbi Yeso Kristo.

Ìmbum bɔn ne mə̀ taŋ kɔ̀ŋ, mə ŋwàʼrì inug mbo̰ inən anìŋ ni ghì gha imbə̀ʼ mbə̰ si nɔ̀ʼ ghì anug tibɔ̀ŋ. Si ya gha, wə̀d mɔ̀ʼɔ mə̀ chè ghì anug tibɔ̀ŋ, tè bèrì wə̀d ne bòʼo ibo abə Mbaʼ atog ina imbə̀ʼ ìmba inug tibɔ̀ŋ. Məd ya Yeso Kristo, wə̀d ne təmi kòʼ.

Wə̀d ne gha zìye kyeri Ŋwiye ne chəyi məd we zùgrə tikə Ŋwiye, tengàŋ ya wə̀d inug ako. Chəyi məd we ghìyə̀ inug icheg wə̀d ne kyeri tesiʼ.

Tì mə ya zùgrə tikə Ŋwiye, nji ze biri chwi gha tè kyèri aməd.

Wə̀d ne gha zìye fə se yi inga ìzḛzḛ bə̀ kiri ya bà̰ ìwi ifi, à ya wə̀d ne kiri biri inga isəg afub pè amad anìŋ.

Wə̀d inug ako kə we? À ya wə̀d we ne to̰ yi gha Yeso kayi Wə̀d we ne Ŋwiye zɔ̀ʼi. Wì ya to̰ yi Mbaʼ bə̀ to̰ yi Ŋwan. Iku wə̀d we ya Wə̀d ìpàb Kristo.

Wə̀d we ne to̰ yi Ŋwan, fə bə̀ ton yi Mbaʼ. Wə̀d we ne bḛ Ŋwan, fə bə̀ bḛ Mbaʼ.