Popular Bible Verses from 1 Kɔrèn 2

Share

Mbe ŋwàʼrì inga Àŋwàʼrì Ŋwiye gha, “Anug ne chəyi wə̀d kə kweʼì bàd, ne chəyi wə̀d kə̀ kweʼì zug, kə̀ bì kweʼì kɔ̀ndi inga fìŋ, à ya anug ne Ŋwiye fə chuʼri nɔ̀ŋì abə bəd mbe ne kɔ̀ŋɔ̀ aməd.”

Wə̀d ne chəyi Azwighi Ŋwiye yaʼi inga məd, chəyi we bḛ inug mbe ne Azwighi Ŋwiye ze chwìte. Aton ya gha tiku inug te ya inug anen abə tengàŋ. Chəyi atog məd biri nɔ̀ʼ zen imbə̀ʼ inug mbe. À ya məyi Azwighi Ŋwiye ze ghìyə̀ gha itog zen abə bəd imbə̀ʼ tiku inug ìto̰.

Ŋwiye fə chwi anug ze ne wì ya chuʼri nɔ̀ŋì ina anjìm Azwighi məd. Azwighi Ŋwiye ze twèʼrè inug ijìm. Ka à ya bèyi inug imbə̀ʼ Ŋwiye ne yaʼi inə̀mbi, məd we twèʼrè chwìye ina.

Amad anìŋ, Azwighi ze ne tì beri ze nɔ̀ʼ yaʼ abə Ŋwiye kayi inga isəg. À ya Azwighi ze ze wètè awa gha tè kyeri tineʼi te ne Ŋwiye fə nàʼi ina.

Chəyi mə̀ ya ghàmi inug mbo̰ inən ane iwe fɔrɔ ane ìngam nəmi nəmi. Mə yaya ghàmà məyi icheg ne Azwighi Ŋwiye yaya nàʼà ika inum. Mə yaya ghìyə̀ ane ni gha mbə̀ nɔŋi ìwən ibḛfiŋ igun ika Ŋwiye, kayi igun iwe wə̀d-aku.