Popular Bible Verses from 1 Kɔrèn 13

Share

Àkɔ̀ŋì ze ghìyə̀ gha bəd beri inyimbifiŋ. Àkɔ̀ŋì ze bə̀ ghìyə̀ gha bəd ya fàʼà inug chɔm. Chəyi àkɔ̀ŋì ze ghìyə̀ gha wə̀d ya bèrè àdeg, kə̀ gha wə̀d ya kɔ̀mɔ̀ igo, kə̀ bə̀ gha wə̀d ya nɔ̀rɔ̀ nyɔd. Chəyi àkɔ̀ŋì ze ghìyə̀ gha bəd ya ghìyə̀ ichug, kə̀ gha wə̀d ya kə̀bə̀ gha nji ighi ijìm yaʼ ìmbi məd. Chəyi àkɔ̀ŋì ze ghìyə̀ gha wə̀d ya zàmbà gàŋa, kə̀ gha wə̀d ya nìŋə inug tibɔ̀ŋ ijìm ne bəd mbe ghìyə̀ ibo nyìme inga fìŋ.

Àkɔ̀ŋì ya kə̀bə̀ gha bəd ya nyìmbe fìŋ ane inug ijìm. Àkɔ̀ŋì ya ghìyə̀ gha bəd ya bḛ anug ne bəd ndəŋ mbe ghà. Àkɔ̀ŋì ya ghìyə̀ gha bəd ya nɔ̀ŋɔ̀ ikɔndi ghɔ̀mɔ̀ inug ijìm ne mbɔb zi ibḛfiŋ igun. Àkɔ̀ŋì ya bə̀ ghìyə̀ gha bəd bere inyìʼfiŋ ghò pè ane ìnwḭ.

Chəyi àkɔ̀ŋì kəbi gha bəd ya ghìyə̀ inug tibɔ̀ŋ. Àkɔ̀ŋì ya kə̀bə̀ gha bəd ya ghìyə̀ yaʼi inug ne koʼi.

Inug mbo̰ itad fə təm ane ighə̀m imɔʼ. Inug mbe ya: anug ni nɔ̀ŋì ibḛfiŋ igun Kristo, tì anug ni nɔ̀ŋì ikɔndi se ghɔ̀mɔ̀ inug mbe ne tì zi fìŋ igun fɔrɔ anug ni kɔ̀ŋ bəd. Si ya gha, anug ni kɔ̀ŋ bəd beri ati chè mbin tì inug ijìm.

Chəyi àkɔ̀ŋì biri nɔʼ mèg. Àsi ineʼi ni ghà ikən Ŋwiye, wi biri mèg. Ineʼi ni ghàm tìngam aku aku biri bə mèg. Ineʼi ni kyeri inug biri bə mèg.

Ka mə kyèri ni ghàm tìngam bəd inga iben ijìm igun isəg, bə̀ kyèri ni ghàm tìngam mbè angirə̀, àmə chəyi mə kɔ̀ŋɔ̀ bəd, mo ya kwàʼ icheg aba apan kə̀ kwàʼ icheg fìngɔ̀ŋì.

Ka mə bèrì ineʼi ni ghà ikən Ŋwiye, bə̀ kyèri inug ijìm ne yaʼi inə̀mbi, bə̀ bèrì iwe ijìm, bə̀ bèrì ibḛfiŋ ne tì mə ghàm ghì tiwum kye asiŋi ne ti yaʼi angu, àmə chəyi mə̀ kɔ̀ŋɔ̀ bəd, mo ya kwàʼ ati ako.

Ka mə nàʼ ighi ijìm ne mə beri abə bəd ne chəyi àzɔb, bə̀ nàʼ ka bèyi ìmə nyɔd gha mbe to̰, àmə chəyi mə̀ kɔ̀ŋɔ̀ bəd, chəyi mə̀ biri bèrì chùd mɔ̀ʼɔ ka.

Anyumə̀ ne mə̀ ya yaʼi ŋwan kwa, mə yaya ghàmà icheg ŋwan kwa. Mə yaya bə̀ kɔ̀ndɔ inug icheg ŋwan kwa. Mə ya bèrì iwe ŋwan kwa. Anyumə̀ ne mə̀ ya kweghi si wə̀d kyen, mə̀ ya waʼ inug bɔn kwa.