Popular Bible Verses from 1 Kɔrèn 12

Share

À ya Ŋwiye ghi gha wə̀d imɔʼ imɔʼ ya fàʼà àze àfàʼì ne Azwighi Ŋwiye nàʼi ibo imbə̀ʼ ya wètì bəd məjìm.

Ane, mbə̰ məjìm ya nyàmnyɔd Kristo. Wə̀d imɔʼ imɔʼ bèrì àze asiŋi inga nyàmnyɔd Kristo.

Asiŋi nyɔd amɔʼ mə̀ ya zə̰ ngəʼ, mbin tì isiŋi nyɔd ijìm mbe bə̀ zə̰ ngəʼ abɔ̀ʼ. Mbi mə̀ nàʼ ighumni abə asiŋi nyɔd amɔʼ, mbin tì isiŋi nyɔd ijìm mbe bə̀ gyènde abɔ̀ʼ.

Azwighi Ŋwiye ya nàʼà ika ni ghàm ìngam iwe abə wə̀d imɔʼ. À ya bə̀ məyi Azwighi Ŋwiye ze amɔʼ ze nàʼà ika ni kyeri inug abə wə̀d ndəŋ. À ya bə̀ məyi Azwighi Ŋwiye ze amɔʼ ze nàʼà ika ni bèrì ibḛfiŋ abə wə̀d imɔʼ, bə̀ nàʼà ika ni ghù ighɔn abə wə̀d ndəŋ. Azwighi Ŋwiye ze nàʼà ika ni fàʼ iyeti inug abə wə̀d imɔʼ. À ya àzewən ze bə̀ nàʼà ika abə wə̀d ndəŋ ni ghà ikən Ŋwiye. À ya Azwighi Ŋwiye ze bə̀ nàʼà ika abə wə̀d imɔʼ gha wì kyeri icha ne yaʼi inga azwighi chɔm tì azwighi tibɔ̀ŋ. À ya Azwighi Ŋwiye ze amɔʼ ze bə̀ nàʼà ika ni ghàm tìngam iben ndəŋ abə wə̀d imɔʼ. À ya bə̀ məyi Azwighi Ŋwiye ze amɔʼ ze nàʼà ika ni tòʼrì anug ne mbi gha inga tìngam iben ndəŋ abə wə̀d ndəŋ.

À ya məyi Azwighi Ŋwiye ze amɔʼ ze ghàpà tineʼi ìto̰ tijìm abə wə̀d imɔʼ imɔʼ icheg ne Azwighi Ŋwiye kə̀bi.

Ŋwiye ya ghì ane ni gha isiŋi nyɔd imɔʼ imɔʼ ya kyèʼrè mbin, ni ghì gha imbə̀ʼ àghàpì yaʼ yi inga nyàmnyɔd.

Tineʼi ya aku aku, si ya gha, à ya məyi Azwighi Ŋwiye məd imɔʼ we nàʼà tineʼi te. Ìfàʼì ya bə̀ aku aku, si ya gha, à ya məyi Anɔŋisəg we imɔʼ ne nàʼà ìfàʼì mbe. Tinɔnjì ni fàʼ te aku aku, si ya gha, à məyi Ŋwiye we imɔʼ ya ghìyə̀ gha wə̀d imɔʼ imɔʼ fàʼà àze àfàʼì ne wì nàʼi ibo.

Ŋwiye fə chɔʼ bəd inga ifeti bəd Kristo. Bəd mbègtog ya bədtɔm Kristo. Bəd ne bène abɔ̀ʼ ya bədkə̀n Ŋwiye. Bəd ne pè ane itad ya mə̀chwitinùg. Bɔŋ se nàʼà abə bəd ne ghìyə̀ iyeti inug, tì bəd ne beri tineʼi ni ghù ighɔn, tì bəd ne nàʼà àwètì abə mə̀mbin, tì bəd ne kyeri icheg ni saʼ bəd, tì bəd ne ghàmà ane tìngam iben ndəŋ.

Chəyi nyàmnyɔd beri məyi asiŋi nyɔd amɔʼ. Ze bèrì isiŋi nyɔd nɔʼ nɔʼ.

Anug ne angu ya gha, chəyi tì nyàmnyɔd fàʼ icheg chɔm ne chəyi isiŋi nyɔd mbe ne bəd mbe nḛ̀ gha mbe bɔd mbi yaʼi.

Nyàmnyɔd ijìm kə mə̀ yaʼ ighə, zì biri se zùghə inug iye? Nyàmnyɔd ijìm kə mə̀ yaʼ àtɔ̀ŋi, zì biri se zùghə ifɔ iye? Tesiʼ ya gha, Ŋwiye ya tangi nyàmnyɔd tì isiŋi nyɔd nɔʼ nɔʼ. Isiŋi nyɔd ijìm ya igun nyàmnyɔd icheg ne Ŋwiye kə̀bi. Nyàmnyɔd ijìm kə mə̀ yaʼ məyi asiŋi nyɔd amɔʼ, ze biri yaʼ iye?