Popular Bible Verses from Ròmànì 13

Share

Inyɛ̀ e hwɛnɛ ɛ̀ɛ̀mɛ̀ ya ama e Rzàŋgò Yerzù Krirztò. È hwɛmɛ lì alɛ̀mbɛnɛ la anyu la hweyà hwe e nyàmà nyò. È rzi keka lì gbeyà na òma e nyàmà nyò ya anyu ema ye e kànèyà ò lì gbeyà wòhwe e arza.

È rzi keka, ò lì òhvana tɔ̀ mòtò tɔ̀ lìyɛmɛ. Liyɛmɛ mɛnɛ ema e hwɛni, lì hwèlì ndi ò lì lìŋgàna mɔ̀kɔ na ɔ̀nɛyi. Tɔ̀ ima mòtò ema a gbèyi nanù, nanù ò ma a ika e mbenda ya arzɛ.

Inyɛ̀ tɔ̀ ima mɔ̀ wa anyu a hweyàne hwaŋga ema hwa hwèlì ò lìkànèyà. Èhwànja ò rza tanɛ lì hwɛ lìkànèyà e rzi hwɛ ema Lohwɛ̀ a emelì, ndèŋgànɛ̀lɛ̀ e wɔ̀ ema hwa hwèlì hwàkànèyà, Lohwɛ̀ mɔ̀ ndi à ika hwàkànèlì hwa arzɛ ò mbòkò.

Jììtìtì i mà lìŋga ŋmanà mbɔ̀ òma wùùnya wò ma yahwa ò eŋgànɛ̀lɛ̀ rzɔ, inyɛ i rzɔ̀njɛ̀lɛ hweyà hwe wòhwe ema i ma hwɛ lì gbeyà. Inyɛ̀ i wɔ̀te màwɔ̀ti ma njuma ò lì ana e njuma ya ŋmàye.

Mòtò à lìŋgàni tɛ ŋmanyàŋgò wà eni à rza tànɛyi à mò gbeyà wòhwe. Ò eŋgànɛ̀lɛ rzɔ, è ndìŋgɛ yɔ̀ ndi è òndìrzɛ̀yi imbenda ja arzɛ.

Tɔ̀ ima mɔ̀ hwa anyu rzɔ a hwa rzaweya mamɛ aŋgàmɛ̀nɛ̀yi lì hwa rzaweya. Tɔ̀ ima wòlì ema hwa e ijò ò lì rzàawà, ò erzàŋgò ema e hwɛni. È òke hwatò ema e hwɛni lì òka wɔ̀ŋgɔ̀, ndèŋgànà e ŋgbe hvɛ èluhwe ò hwatò ema e hwɛni lì ŋgba èluhwe.