Popular Bible Verses from Romans 8

Share

Swinya twamanya kuno mwakwe vyonsi vino tukachita, we Leza-nye awino akatwavwilizya swewantu twa­mukunda, sweswenye swewantu wa­twisile nukulonda kwakwe ukuti tuwa­chita ichete.

Amuno nkupanichisya kuno pasi nantichonga chino chingatupantula ku­lukundo lwakwe: nanti amfwanye nanti awumi; nanti awangeli nanti amfumu nanti amaka yamwiyulu; nanti avintu vino vilipo, nanti avintu vino viliyiza; nanti avyamupela, nanti avyapansi­pansi pasi ichitumbulwa nanti chonga chino chingatupantula kulukundo lwa­kwe, luno alwitu muno we Klistu e Yesu Imfumu yitu.

Mumwata wonye-woo amuno Muzimu akatwavwizya, mukutonta kwitu. Amuno tutamanya muno tunga­pepela; ukuwa Umuzimu uwenecho awuno wukatulambilizizya kwe Leza, nukulweta kuno kusi akwakutaka.

Ngafwandi, twandi tuti wuli pa­kwe chonye-choo? Vino Leza we Katula witu, nga weni angatusakamika?

Achaleka kanonzi wano wali mwakwe Klistu Yesu wasi numu­landu.

Nd'umwezo wako wukakunjilila kumiwele yawuntu ulifwa; ukuwa nd'umwezo wako watu­ngululwa nu Muzimu peni uliwa nu­wumi numutende.

Awe, nachimwi, muvintunye vyoo vyonsi tuli namaka yakuchimvizya muno weliwe wino watukunda!

Amuno nkulola ukuyimba kuno tukuyimba kanonzi kutanga nanti ka­tichi-tichi kukolane nuwukankala wuno wulisokoloka kwesweswe.

Ngafwandi, kuli weni wino swinya angatupantula kulukundo lwakwe Kli­stu? Nawumwi! Wuzye amalanda, pamwi akuyimba, pamwi ukulumwa, pamwi ichinkumbili, pamwi akuzwa­luka, pamwi umupamba, pamwi imfwa

Ngapano e Leza, wino akalole­chesya mumyezo yawantu, awino wamanya amelengania ya Muzimu vino yali; amuno Umuzimu awuno wukalambilizizya awantu wakwe kwe Leza ukulingana nukulonda kwakwe.

Wano wakakolelelwa nu Muzimu wakwe Leza ye awana wakwe Leza.

Ukuwa wane wakatontela uku­londa kwamiwele yawuntu, imyezo yawo ikakunjilila kokonye. Nawo wane wakapita ndivino Umuzimu wukawa­tungulula, awano imyezo yawo ikatu­ngululwa nu Muzimu.

Atalemelezile Umwanakwe alanga ali nawe, ukuwa amulemeka muno asweswe swensi! Atupa Umwanakwe ngafwandi angapotwa wuli ukutupa uwila ivintu vyonsi?

Umuzimu wakwe Leza amuno wukayisanzya nimizimu yitu atupanichisya kuno swewanakwe Leza. Achaleka fwandi vino swewa­nakwe awoo, tulipepwa nivizima vino wasengulila awantu wakwe, swinya tulipochelela apaliponga nu Klistu vino Leza wasengulila Klistu; amuno ndi tukuyimba apaliponga nu Klistu, fwa­ndi ye tulichindamikwa apaliponga nawe.

Achaleka nd'umwezo wamuntu wukakunjilila kumi­wele yakwe akutela amulwani wakwe Leza; amuno atela akuchila amasundo yakwe Leza, akupotwa ukuyatontela.

ivitumbu­lwa vyonsi vikaluchila nkaninye uku­lola kuno Leza wasokolola awanakwe.

Uku­wa twamanya kuno ukufika kanonzi ivitumbulwa vyonsi vikalilizika nuku­lweta muno awulumila wuno wuli ngati awulumila wampapo.