Popular Bible Verses from Romans 6

Share

Amuno ichilambu chaluwembu—amfwa; ukuwa uwila wakwe Leza awumi wamuyayaya wuno tuli nawo mwakwe Klistu Yesu Imfumu yitu.

Kusikwezya ukuti uluwembu luwawavinda: musi­panzwa namasundo yasi nachimwi kwakwe mwemwe, nkandi inkumbu zyakwe Leza.

Fwandi mwi­batizo litunye, amuli muno twazisilwe apaliponga nu Klistu atusanjila imfwa yakwe, alyakuti, ndivino Klistu-nye wazyulupuzilwe kumfwa nuwukankala wamaka ya Mukwasi, momonye amuno naswenye tuliwela nuwumi wupya.

Swinya kusi­kwezya muwalechelezya imiwili yinu kuluwembu, itize iwe amiwili yaku­chitila uluwembu. Ukuwa, yipani kwe Leza, muwe mwewantu wano wapu­suka kumfwa muwe nuwumi, mupani imiwili yinu yonsi muleke iwe aya­kuwombela ivizima.

Twamanya choo: kuno uwuntu witu uwukali wafwa apaliponga nu Klistu pawuchingane wakwe, alyakuti amaka yaluwembu lwitu yononwe, alyakuti tutize tulandalile muwuzya waluwe­mbu.

Avino namwe­nye awuliwonga mwazipila ukuyele­nganizizya kuno mwafwa akuli kuti mwalufuma muluwembu ukuwa mwe­wumi paminso yakwe Leza muno mwasanzinkana apaliponga nu Klistu.

Ngafwandi, twati wuli? Wuzye tulange twisile muluwembu alya­kuti inkumbu zyakwe Leza zivule? Awe! Tuli ndivino awafwe—twalu­fuma muluwembu ngamuno chani chino tungalanga twisile mwenemo?

Awenche mwamanya kuno pano mwayipile mwewenecho kuwuzya wakuwembula umuntu wumwi, fwandi ye mwewazya wakwe sokulunye weyo wino muka­mutontela—pamwi mukatontela ulu­wembu, luno lukaleta imfwa, pamwi we Leza wino akawalungamika kwa­kwe weliwe.

Ukuwa nkusalifya Leza! Amuno kali mwalinji mwewazya walu­wembu; ukuwa pansizi mwatontela nimyezo yinu yonsi ukusimichila kuno mwazana mwisambililo lino mwapo­chelela. Mwakululwa kuluwembu mwawa mwewazya wakwe Leza alya­kuti muwe mwewalungamane.