Popular Bible Verses from Romans 3

Share

awantu wonsi wawembuka wali ukutali nitulwa lyakwe Leza. Ukuwa muno achawila chankumbu nkulu zyakwe Leza wonsi walungami­kwa nu Yesu Klistu wino wawakulula.

Leza akaputula umulandu wamuntu wino akuwika insingo mwakwe Yesu Klistu. Leza akalungamika wonsi wano wasuwila Klistu, amuno kusi uwusilamo wumwi

Leza wafimile Yesu Klistu alyakuti mumfwa yakwe amuno awantu watete­lelwe ukuwifyakwawo, ndi wamusuwila. Leza wachisile wonye-woo alyakuti alanjizye uwulungamane wakwe. Kali, Leza wazizimichizizye nanti kupechela kuluwembu lwawantu; ukuwa kano­nzi Leza akalola uluwembu lwawantu, kukulanjizya uwulungamane wakwe. Mumwatanye woo akayilanjizya kuno amulungamane swinya akalungamika wonsi wane wakusuwila Yesu.

Amu­no amasundo yasi ayano yakalungamika umuntu kwe Leza nd'achino watontela amasundo; chino kwawela amasundo alyakuti awantu wavimanya ndi wa­wembuka.

Ndi­vi no Amawaliko Matele yavwanga yati, Pasi umulungamane nanti wengawenga, pasi nawumwi wino akakwiluka, nanti awino akavwamba Leza. Awantu wonsinye wafutatila Leza, wonsinye wawembuka. Pasi nanti wenga-wenga wino aka­chita ichete, nanti wenga.

Achaleka fwandi nkani-nkani Leza akalungamika umuntu ndi wasuwila, ukuwa asi amuno akuchita chino ama­sundo yataka.

Nanti katichi-tichi! Leza weni awakusimichila, chingatenga awantu wonsi weni awa­chawufi. Ndimuno Amawaliko Matele yavwanjila yati, Wenji ukulungamika kwako, we Leza, kukaloleka mumuvwango; ukasinda mumilandu ponsi pano ukupanzwa.