Popular Bible Verses from Romans 12

Share

Mutize muwakolania imiwele yakunzi iyamunsi moo, ukuwa ndi Leza awapi­lule mukasi muwe nimyezo mipya. Apano mulimanya ukulonda kwakwe Leza—ukuzima, kuno kukamuseche­lesya chisi chakutaka.

Achaleka fwandi, wanawitu, muno ankumbu mvule kwakwe sweswe zino Leza watuchitila, nkuwalambilizya nkuti: Yifimani imiwili yinu iwe anzuwi njimichile kwakwe Leza, akuli kuti pano muchili mwewumi muwamuwombela mbali nukumuseche­lesya. Konye-koo akuli kumupepa kwa­kusimichila kuno mungamufimila.

Lekani isuwilo linu liwawapa ukusa­nsamuka, muwazizimichizya muntazi zinu, muwapepa nanti kulechelezya.

Muta­leka uwuwipe wuwawachimvya; ukuwa, chimvyanji uwuwipe nuwuzima.

Kundananji nulukundo lwene­cho ulwawunyina mwakwe Klistu, swinya muwachindikana.

Mwazipila ukuwa nulukundo lwa­kusimichila. Muwapata chino achiwipe, amulanga mulemasizye pechino achizi­ma.

Muwalemasya ukwikala umutende nawantu wonsi.

Mutize muwalandu­la, wanawitu, ukuwa muwawalechela uwukali wakwe Leza ukulandula konsi. Amuno avino Amawaliko Matele ya­vwanga yati, Ukulandula akwane, nene­nye ndilandula, avino Imfumu yataka.

Wombe­syanji mutize muwawa mwewakata. Wombelanji Imfumu nu mwezo wonsi.

Ukuwa muno achawila chino Leza wampa, nkuwanena mwemwe mwensi nkuti, Mutize muwayitumvya nkani­nkani ukulusye pano mwawela. Ukuwa, muwakwelengania ichete-chete mbali nukuyichefya, swinya wilamuntu awa­yipanzya ukulingana nisuwilo lino Leza wamupa.

Ndi wumwi wawachita chimwi, mutize muwalandula. Lekani awantu wonsi walola kuno mukuchita ichete.

Muwakunda wonsi nanti kusolowola. Mutize muwayitumvwa, wombanji imi­limo yakuyichefya. Mutize muwayele­ngania kuno muli namano.

Awowonye Amazwi Matele yati, Ndi umulwani wako ali ninzala, umulela; ndi ali nulusala, umupa aminzi ang'wa; amuno ndi ukuchita wonye­woo ye wandi umulundichile ukuwilima kwamakala pamutwe wakwe.

Pepelanji wano wakuwayimvya; nachawuzimanye, muwalambilizya Le­za ukuti awapepa wane wakawayimvya, nanti kuwatipa. Zevyanji nawano wakuzevya, losyanji nawano wakulosya.

Muwapa awanyonko wano wasowe­lwa vimwi vino muli navyo, muwapo­chelela aweni mung'anda zinu.

Tuli nivyawi vivule kumuwili wonga, nivyawi vyonsi vili nimilimo milekane-lekane, Achaleka naswenye, nanti twavula awoo, swemuwili wonga mwakwe Klistu, swinya swensinye twa­lemenkana apaliponga ngati avyawi vilekane-lekane ivyamuwili wonga.