Popular Bible Verses from Revelation 19

Share

Ndi tuwa­zewela swinya tusankane; saleni tuwa­tumvya uwukulu wakwe! Amuno impi­ndi yiza iyawinga wa Mwana-ng'onzi, nu nawinganye nawe ayiyinie kuwinga.

Pamwinjilo wakwe napachinama chakwe pawalisilwe izina lyakuti, Mfumu yazyamfumu, Mulali wawalali.

Ngapano ndola iyulu Iyiyuka, palinji nukavwalo mutiswe, wino wakwelezile penepo witwanga ilyakwe, Musuwilwa nilyakwe Kusimichila, awi­no akapanzya mbali nukulwa isumo nanti kuchichilizya.

Aminso yakwe yalinji ngati ambiwi yamulilo, wazwite nutwamba utuvule pamutwe wakwe, Izina lyawalisilwe pakwe weliwe ukuwa pasi wumwi wino wamanyile muno chiwezile suka umwenechonye wenga. Umwinjilo wakwe wakandamisile nu­wazi. Izina fino akakwitwa alyakuti, Welizwi lyakwe Leza.

Ulupanga lukole alufuma mumulomo wakwe, luno alichimvizya imyiko yawantu. Awateke nunchinda wachela, swinya ayize afine ivyakung'wa pachifinilo chawukaliwakufulichilwa kwakwe Leza wamaka yonsi.

Ichinyamananye chocho achi­lemwa apaliponga numutumwa wawufi, wino wetetusile ivyakuzunguka paminso yakwe cholicho. (Ivyakuzungukanye vyovyo avino wachenjezezizye wano walinji nichimanyilo chachinyamananye chocho, nawano walumbulanga ikolano lyachinyamananye chocho.) Ichinyama­nanye chocho numutumwa wawufi avisumbilwa avipuma mwesumbi wa­mulilo wino akupyanga nivintu vimwi ivinunke.