Popular Bible Verses from Revelation 13

Share

Choo chikulonda amano. Wensi wino wasalapuka mumano angazana chino impendwa yachinyamana ikusula, amuno impendwa alili zina lyamuntu. Impendwa yakwe amyanda mutanda namakumi mutanda nimfumila mu­tanda (666).

Awantu wonsi wano wikala munsi waliwachifukamila, akuli kuti, wonsinye wano amazina yawo yatawalikwa, ukufumilila kuluwandi lwansi, mwekalata wawawumi wa Mwana-ng'onzi wino wakomilwe.

Ichinya­mananye chocho achipatichizya awantu wonsi, awatichi nawasongo, awachi­ndame nawasaluke, awazya nawana­ngwa, ukuti wawe nichimanyilo chimwi pamakasa yawo ayakwe ndilo napa­mpumi zyawo. Umuntu wumwi atanga akale ichintu chimwi nanti aku­kazya chimwi suka wino ali nichima­nyilo, akuli kuti, izina lyachinyamana pamwi impendwa yino ikusula izina lyachinyamananye.

We­nsinye wino wazipila ukulemwa uwuzya, alila ale alemwe uwuzya; wensinye wino wazipila ukukomwa nulupanga, alila ale akomwe nulu­panga. Vyoo avyawantu wakwe Leza wano wakazizimichizya mwisuwilo.

Ngapano ndola ichinyamana chikufuma mwesumbi. Chalinji nimpembe ikumi nimitwe munenulambali, nutwawi kumpembe zyonsi, namazina mawipe yawalisilwe pamitwe yakwe cholicho.

Achizu­milizwa ukulwisya awatu wakwe Leza ukuti chiwachimvye, swinya achipwa amaka pawantu wamyiko yonsi, wansi zyonsi nindimi zyonsi nawamiwili mile­kane-lekane.

Achinyoka achi­chenjezya awantu wonsi munsi nivi­zungusyo vino chazumilizizwe ukuchita pankolelo pachinyamana chakutalika. lchinyamananye chocho achinena awa­ntu wamunsi wonsi ukuti welewule ikolano kukuchindika ichinyamana chino chalasilwe nulupanga, ukuwa nanti kufwa. Ichinyamana chachi­tiwili chazumilizizwe ukuti chifutile uwumi mwikolano lyachinyamana cha­kutalika, alyakuti ikolanonye lyolyo liwavwanga swinya liwakoma wano wakukana ukulifukamila.

Ichinyamananye chocho chino naweni chakoline ninka­mpu, nayo amatamba ngati amatamba yakwe chiwuli, numulomo nawo ngati amulomo wachimbwi. Ichitumbunye chocho achipa ichinyamana amaka ya­kwe, nindulu yakwe, nuwukankala wakwenye wonsi.

Ichinyamananye chocho chazumi­lizizwe ukutukana intusi mbipe izya­kuzunguka, swinya achizumilizwa uku­wa namaka kumyezi amakumi yani nimyezi yiwili.

Umutwe wonga uwachinyamana walinji ngati wako­mwa, ukuwa ichilonda chino chapo­nzilwe achipola. Insi yonsi iwazunguka ikonka ichinyamananye chocho.

Ngapano ndola ichinyamana chinji chikufuma munsi. Chalinji ni­mpembe ziwili, zino zyalinji ngati ampe­mbe zyamwanang'onzi, nako ukuvwa­nga kwakwe cholicho chavwanganga ngati achitumbu. Achiwombela amaka makulu ayachinyamana chaku­talika pano nachochonye chili penepo. Achipatichizya insi nawonsi wano wi­kala mwenemo ukuti wafukamila ichinyamana chakutalika, chino itote lyachilonda lyapozile.