Popular Bible Verses from Philippians 2

Share

Mu­tize muwayikunda, nanti akuyitumvya muvyavye; ukuwa muwatontelelana, nanti kuyikuzya ukulusye wanji. Mu­wasechelesya wanji, nanti kuyisechele­sya mwewenecho mwenga.

Muwe nimiwele yino nu Klistu Yesu walinji nayo

Weni wakoline nu Leza pe, lelo atelenganianga nanti akuyitutuwalika ukuti alingane nu Leza. Ukuwa weni, wayichefizye, awa ngati amuwomvi. Akolana numuntu, awaloleka ngati amulawa. Wayichefizye mbali nukutontela ukwizafika nimfwa yakwe— ­yino wafwizile pawuchingane.

amuno Leza akawomba mwakwe mwemwe penye ukuti muwa­londesya ukutontela ukulonda kwakwe, muwamukonka.

Muno achochonye Leza wamu­kuzizye awa papela ukulusye vyonsi, amupa izina lino lyakula lyalusya amazina yonsi. Achaleka muno akuchindamikwa kwizina lyakwe Yesu, ivitumbulwa vyonsi ivyamwiyulu, nivyamunsi, nivyamunsi pansi­pansi viwamusokowalila, vyonsinye vize viyizumilile kuno Yesu Klistu a Mfumu, viwachindika e Leza Umukwasi.

Muwachita ivintu vyonsi nanti kukwinuluka swinya nanti mipanzi, alyakuti muwe mwewantatala mula­ndu muwe mwewatele, ndivino awana wakwe Leza wano wasi nindema yimwi wane wakakwikala munsi mbipe iya­wantu wawipe. Muwawawalila ndivino intanda zino zikawala mupela

Achaleka, aleni wakundwe wane, ndivilyanye vino mwantontelanga penye pano nalinji namwe, kanonzi chingazipa chilusye ndimukuntontela, napano nsi­ponye. Wombanji, mbali nintete nuku­zakaza, alyakuti ukutulwa kwinu kufike napakafiko