Popular Bible Verses from Marko 6

Share

Kwalinji awa­ntu-na-wantu wano wayanga kwe Yesu achipota nu Yesu-nye nawasambilizi wakwe ukuti wawe nimpindi yakulya. Achaleka awanena ati, tuyani tufuntuke tufume paa, tuye ku masyo yanji swenga kuno mungaya mukapuze kati­chi.

Yesu awanena ati, Umutumwa as i­sowelwa umuchinzi suka ndi amukaya kawo, namunko zyakwe nichiwanza chakwe

Ala vino Yesu wafuma muwato, alola iwumbanye lyolyo ikulu, ichilanda achimulema pano wawalola, amuno walinji ngati ang'ozi nsowe umuchemi. Atalika awawasambilizya ivintu vivule.

Kokonye kweni atatela achite ivi­zungusyo vimwi, suka vino wawisile amakasa yakwe pawalwale watichi wano wapozizye. Yesu azunguka nka­ninye muno waweni kuno awantu watalinji nisuwilo. Yesu awapitapita mutwaya, alanga akusambilizya awantu.

Ala Yesu watola imbulungwa zyozyo zisano ninswi ziwili, apunamila mwiyu­lu, asalifya kwe Leza. Aputulania imisumba apa awasambilizi wakwe ukuti wape awantu. Anyoka ayankania inswi ziwili ayankania awantu. Awa­ntu wonsi awalya awikuta. Awasa­mbilizi wakwe awizuzya ivitundu vya­chakulya chino chasyazile ikumi naviwi­li.