Popular Bible Verses from James 2

Share

Wowonye avino chili nisuwilo: ndi isuwilo lyasowa imilimo, alitela lyafwa.

Achaleka aleni fwandi, ndivino ndi umuwili wusi numuzimu awutela wafwa, nisuwilonye ndi lisi nimilimo alitela lyafwa.

Wanawitu! Nga kuli wuzima-chi ndi wumwi akuti, Indi nisuwilo, ukuwa imi­wele yakwe ayavye? Wuzye isuwilonye lyolyo alino lingamutula?

Wu­zye mwasuwila kuno kuli Leza wenganye-nsu? Achizima! Nawawipenye wa­kasuwila awalanga wakutina mbali nukuzakaza.

Ukuwa wumwi angati, Umuntu wenga ali nisuwilo, nawe winji alini­milimo. Nenji itolelelo lyane alyakuti, Ale ndanjizya wino akulanga ali nisuwilo tupu imilimo pole. Nenji nandi mba­lanjizye isuwilo nimilimo yane

Amuno Leza ataliwa ninkumbu kumuntu wino asi ninku­mbu; ukuwa inkumbu zyalyatanjila ipanzyo.

Ale papo mwayilo­lela, kuno fwandi Leza awino akalunga­mika umuntu muno amilimo yakwe, isuwilo tupu pole.

Wuzye mwenji mutaweni chocho? Isuwilo lyakwe nimilimo yakwe vya­womvile apaliponga; isuwilo lyakwe lyafisizwe muno amilimo yakwe.