Popular Bible Verses from Ephesians 6

Share

Amuno ukulwisya kwitu kusi akwawuntu, uku­wa akwakulwisya ivita vyamizimu mi­wipe yino ili munsi yamwiyulu, nawa­kapanzya, nizyamfumu, namaka maku­lu ayamfinzi yampindi yoo.

Muwachitila vyoo mumapepo, amulanga mukulambilizya kwe Leza ukuti awavwe. Penye, muwa­pepela mwakwe Muzimu wino akawa­tungulula. Achaleka muno achonye­choo muwalanga mupampusile nanti kulechelezya; muwapepela awantu wa­kwe Leza penye.

Zwalani ivyanzo vyonsi vino Leza wawapa, alyakuti muwe namaka yakulwisya imichenjelo nikopeko lyakwe Satana.

Achaleka yangufyani, sendani ivyanzo vyakwe Leza! Alyakuti ndi uwanda wuwipe wiza-wiza, mulisyanjisya pano umulwa­ni akuwalwisya, nga ndimwiza mwa­lwisya mwafika napakupelelechezya, mulilanga mulyatizile paponye.

Penye muwasenda isuwilo ndi­vino inkelwa; lino liliwapa amaka yakuchinjilila imivwi yamulilo yino ika­vwintwa nu Muwipe. Muwapochelela itulwa liwe achisote chakumutwe nizwi lyakwe Leza aluno luwe alupanga luno Muzimu wawapa.

Achaleka simpisyanji: amazwi ya­kusimichila yawe amupango wakuzutila mumitembeleko yinu; muzwale uwulu­ngamane wuwe a chakuchinga pa chi­fuwa, muyisenganie kukuyawizya Ila­ndwe Zima ilyamutende liwe ngati andyatu zino mwazwala kumanama yinu.

Ichakupelelechezya, simpani ama­ka yinu mu Mfumu, namumaka yaku­kazawana kwakwe.

Uwachindika eso nunyoko alili sundo lyakutalika lino lili nilayili­zyo. Alyakuti uwawa ichete, mbali nukuwa nuwulanzi munsi.

Wana, amulimo winu uwawu Klistu akutontela awakwasi winu, amuno chonye-choo achino chayana ukuchita.