Popular Bible Verses from Ephesians 1

Share

Nkamulambilizya ukuti muwe namano yakulola ukuwala kwakwe, alyakuti mumanye ukulolela kuno wawitila, mumanye ukupepwa kukulu kuno walayilizya awantu wa­kwe, nukukulisya kwamaka yakwe mwakwe sweswe swewantu tukamusu­wila. Amakanye yaa yano yali mwakwe sweswe amaka makulu ayaliyonga yano walinji nayo pakuzyulupula Klistu kumfwa, amuwika kwikasa lyakwe ilyandilo munsi yamwiyulu. Momonye munsi yamwiyulu mwile­welewe amuno Klistu akapanzya wonsi, amawufumu, nawamaka, nawakankala; wakula walusya awamaka wonsi munsi yonsi nuwukulu iyampindi yoo nayino iliyiza.

Pano insi yachilinji ukutumbulwa, Leza watwimichizile kali ukuti tuwe swewakwe muno we Klistu, alyakuti tuwe swewatele wane wasi nakasinza pakwe weliwe. Muno alukundo lwakwe, Leza welenginie kali-kali ukuti mwa­kwe Yesu Klistu atupalamizye kwewe­liwe tuwe swewanakwe — konye-koo akuli kulonda kwakwe kuno wasozile.

Twakomolwa nimfwa yakwe Klitu, kuno akuli kuti, twatetelwa uluwembu lwitu. Ye, inkumbu zyakwe Leza zya­kula wuli.

Aleni tuwasalifya Leza Umukwasi wa Mfumu yitu e Yesu Klistu. Amuno watupepa, watuminkania apaliponga mwakwe weliwe, watupa ichawila chonsi ichamuzimu munsi yamwiyulu.