Popular Bible Verses from 2 Wakorinte 1

Share

Lekani tuwasalifya Leza Umukwasi wa Mfumu yitu e Yesu Klistu, Umu­kwasi wankumbu, e Leza wino ukwavwa kwitu kukafuma! Akatwavwa mu­ntazi zitu zyonsi, alyakuti naswe tuwe namaka yakwavwa wanji wane wali nintazi ndekane-lekane, atulanga tu­kuwombela ukwavwa ukulikonga kuno naswe twapochelela kwe Leza.

Ndi­vino amayimbo yakwe Klistu yavula kwakwe sweswe, awowonye avino Klistu akalanga akutwavwa nukwa­vwilizya kukulu.

Twatayile imyezo yitu atuti twapa­nzizwa ikukomwa. Ukuwa chalinji awonye-woo alyakuti, tutize tuyimililile sweswe swenga, ukuwa nkandi kwe Leza, wino akazyulupula awafwe.

Amuno we Leza awino akatuwomya apaliponga namwe, mwakwe Klistu; we Leza-nye nalwakwe awino watupawula, wawika nichimanyilo chakwe pesweswe, swinya watupa nu Muzimu Mwimichile mumyezo yitu kukupanichisya vyonsi vino akulonda ukutupa.

Nditukuyimba, atutela tukuyimbila mwemwenye ukuti tuwavwe mupusuke; nditwavwiwa, na­mwenye amutela mwavwiwa swinya mwapwa insimpo zyakuzizimichizya nuwuchimyamya ukuyimba ukuliko­nganye kuno naswenye tukazizimi­chizya.