Popular Bible Verses from 1 Peter 4

Share

Ukulu­tilizya ivintu vyonsi, kundananji nkani­nye, amuno ulukundo lukavwimbila amawembuko mavule.

Wensi wapochelela ichawila chimwi kwakwe Leza achaleka wazipila ukuchiwombela kukuchitila wanji ivi­zima ukuti awe amuwomvi musuwilwa wakwe.

Wensi wino akuwizya ale awawizya amazwi yakwe Leza-nye; wensi wino akupakata, ale awapakata namaka yano Leza wamupa, alyakut muvintu vyonsi Leza awachindamichi­lwa mwakwe Yesu Klistu, wino uwu­kankala namaka avyakwe penye. Amen.

Ukuwa ndi mukuyimba amuno mwe wa Klistu, mutize muwa­fwa insoni, ukuwa muwasalifya Leza muno mwasenda izina lyakwe Klistu.

Insilo yavintu vyonsi yapalamila. Achaleka muteke imyezo munda musi­nge, muwe namaka yakupepa.

Viwuza vyane, mutize muwazu­nguka kukwelezwa kwakuyimba kwinu, muwalola ngati achintu chinji chawapo­nela. Ukuwa zewelanji amuno mwe­wakankana wakuyimba kwakwe Klistu, alyakuti mwize mwizule nichimwemwe pano ukuchindamikwa kwakwe kwiza kwaloleka.

Muwapochele­lana mung'anda zinu, nanti kukwinu­luka.

Achaleka fwandi, wane wakuyimbila ukulonda kwakwe Leza, wazipila ukula­njizya imilimo yawo imizima kuno wakusuwila Katumbula wawo, wino akafisya ilayilizyo lyakwe nanti kupo­twa.

Muno Klistu wayimvile kumu­wili, namwenye fwandi mwazipila muwalemasya mumyezo yinu muwa­kw izuka ukuyimba kwakwe; amuno wensi wino akuyimba kumuwili atela asi nuluwembu. Achaleka fwandi ukufumilila kanonzi ukuya kunkolelo, mwazipila muwulanzi winu wuno wa­syala uwamunsi moo muwatungululwa nukulonda kwakwe Leza, ukulonda kwamuwili pole.

Mwewalongo ndi muku­kwelengulilwa muno we Klistu; choo chikusula kuno ukuchindamikwa kwa­kwe Muzimu, e Muzimu wakwe Leza, awino ali pakwe mwemwe.