Popular Bible Verses from 1 John 3

Share

Wanane! Ulukundo lwitu lutize luwe amazwi yapamulomo patupu; ukuwa lwazipila aluwa alukundo lwakusimi­chila, luno lukaloleka kwe vino tuka­chita.

Kwakwe chonye-choo akuno twamanyila ulukundo: Klistu watutayila uwumi wakwe. Naswenye fwandi twakana tuwatayila awanawitu uwumi witu!

Silolani wino Umukwasi watuku­nda! Ulukundo lwakwe lwakulisya achino tukakwitwa swewanakwe Leza— wowonye, avino tuli. Achaleka awa­munsi watatumanya: muno nu Leza-nye watamumanyile.

Wino akalandalila muluwe­mbu awakwe Satana, amuno Satana wawembusile ukufumilila pakutalika. Chochonye chino Umwanakwe Leza wizizile, alyakuti ayonone imilimo ya­kwe Satana.

Wensi wino amwanakwe Leza asi­landalila ukuchita uluwembu, amuno imiwele yenecho iyakwe Leza ili mwa­kwe weliwe; swinya muno Leza we Yisi, atanga alandalile nukuwembuka.

Ukuwa wino wachinda­ma alanga akulola umunyina wasowe­lwa, ukuwa nanti kulanguluchila umu­nyina, nga angayinena wuli ati Naku­nda Leza numwezo wane wonsi?

We­nsi wino akatontela amasundo yakwe Leza akakwikala mwakwe weliwe nawe mwakwe weliwe. Mwakwe chonye-choo amuno tukamanyila kuno Leza akakwi­kala mwakwe sweswe: twamanya amu­no watupile Muzimu.

Mwakwe chonye-choo amuno awana­kwe Leza nawanakwe Satana wakama­nyichila: wensi wino asichita ichete, pamwi atakunda umunyina, atela asi amwanakwe Leza.

Amazwi yano mwivwile ukufumili­la pakutalika-talika ayakuti tuwaku­ndana.

Achaleka mutize muwazunguka, wanawitu, ndi awamunsi wawapata.