Popular Bible Verses from Profet Sefanaea 3

Share

God, nomi LORD ghotilo na au balumi. Nogna nolaghi mana na ginauna togho ghami mala uluni ghotilo magra na. LORD ginauna kelitagna ka ghotilo, eghuteuna nogna namha na ginauna tusu ranghi ghami nakarha majaghani. Aonu mana ginauna koje jateula naikno te gleale'a te koje ka narane biꞌo ra eghu.”

Ka Narane tuana, iara ginauna hata fapulo ghami ka nomi thofno namono na. Aonu iara na tusu ari nafnakno biꞌo ka ghotilo, eghuteuna naikno te gnafa ka nauthoglu igne ginauna filo haghe ghami ghotilo. Iara ginauna togho ghami ghotilo fabrahu mala au ghotilo kau pharikeli! Iara LORD te chekeni igne.”

LORD na theome para ghami ghotilo, eghuteuna mana brue fajifladihi nomi naoka ghotilo ra. LORD gognarona king gna Israel, eghuteuna mana au balumi ghotilo. Eghume, ghotilo theome tangomana te mhaghuni kaisei glepo na.

Ka Narane tuana iara ginauna paradi mae naoka teke fakokhoana ghami nei para ghami teku ghotilo ra. Ghotilo iheire te diꞌa ghahemi ra, nei iheire te au tafri ka keha kantri ra, iara ginauna nake hata fapulo ghami ka nomi thofno namono na. Gognarona ghotilo mamaja nomi ka tathadi keha vike igre, nu iara ginauna na hata fadelei mamaja igne mala tusu ari nafnakno biꞌo ka ghotilo. Eghuteuna naikno te gnafa teke filo fapari ghami ghotilo ka nauthoglu igne ra ginauna filo haghe ghami ghotilo.