Popular Bible Verses from Filipae 4

Share

Thosei nanga nomi fara eigna unha te thoke ghami ghotilo na. Nu tarai ka God, toreni mana unha te magnahaghei na. Ne tore nga ghotilo ka mana nu, te keli na, ghotilo kulu cheke fakelini ghu mana eghu.

Eghuteuna God ginauna tusu ranghi ghami ghotilo pharikeli te biꞌo uludi noda glalase tahati re. U pharikeli igne ginauna au ka nagnafami nei gaoghathomi teu ghotilo re mala theome nanga nomi ghotilo, naugna ghotilo kaisei ngala balugna mae Jisas Kraes.

Kheraguro, iara magnahaghei te chekeni kaisei glepo ka ghotilo. U puhi te keli fara te mala ghathodi koba ghotilo re igre. Jateula ngau puhi te tutuani, puhi te fnakno, puhi te doglo nei puhi te famane nei puhi te thofno keli fara ka nonomho dire.

Iara tangomana te edi glepo igre, naugna mae Kraes mae ihei te au nolaghi na te togho ghau iara na.

Gleale'a koba balugna noda Lord. Uve, iara nake fapea chekei ngala ka ghotilo, gleale'a!

Eghume, noda God mae ihei te khotodi gobigna lepo te gnafare, mana ginauna tusu ranghi ghami ghotilo unha te magnahaghedi ghotilo na. God tangomana te eni igne ka tahati, naugna tahati nogna naikno mae Jisas Kraes.

Ghatho fakelidi glepo te farirhiu ghami iara igre, nei glepo te edi iara tela filodihi ghotilo ra, nei glepo te edi iara tela nomhidihi ghotilo ra eghu. Eghuteuna God mae te tusu ranghi ghita u pharikeli na, mana ginauna au balumi ghotilo.

Kafe lolokelidi naikno te gnafare, naugna Lord na la namo meihi.

Keha fatare iara kuma nei keha fatare iara dedei. Eghuteuna iara laseni puhi te mala au gleale'a fabrahu ka vido te boho ba ka vido te rofo na. Ka vido te kmana glepo ba ka vido te theo glepo na.

Iara theome chekeni, iara ne kmo'e ka glepo teuna. Theo. Naugna iara au gleale'a koba ka unha glepo te au ka thegu re.