Popular Bible Verses from Filipae 3

Share

Kheraguro, iara thegu na theome ghathoni la hatahi taba igne teuna. Nu kaisei glepo te eni iara gognaro na, iara magnahaghei te ghatho kokodi glepo teke edi iara tifa re, eghuteuna fariuriu mala hatagna taba nathuꞌu nauriha na. Iara faheaheta fara mala hata u taba igne. Naugna mae Jisas Kraes, God kilo ghau iara mala tei ka mana kligna nei au fabrahu balugna mana jare. Eghume tuana ngala nogu taba iara na.

Eghume unha te magnahagheni iara gognaro na, iara magnahaghei te lase fakelini mae Kraes nei u nolaghi teke karha fapulo mana kau glehe ia. Iara magnahaghei jateula mana eghu narane teke au papara nei lehe teku mana. Eghuteuna leghu lahu na iara magnahaghei te karha fapulo ka glehe jateula mana eghu.

Uve, iara magnahaghei te lisa faleghu te gnafa gobigna lepo teke ghatho tahudi iara kau nauthoglu igne. Naugna gognaro na iara thofno lase fakelini mae Jisas Kraes. Eghume te laseni iara na glepo tuare theo nafudi kolho. Tutuani fara, glepo igre jateula chara eghu ka gaoghathogu iara na. Eghuteuna iara magnahaghei te koko fadelei glepo tuare naugna iara magnahaghei te loku ranghini nogu Lord Jisas Kraes

Tifa na glepo te chekedi iara igre neke kafe keli ngala ka iara. Nu gognaro na glepo tuare theo kaisei nafudi ka gaoghathogu iara na, naugna gognaro na iara fatutuani ni kolho mae Jisas Kraes.