Popular Bible Verses from Romaĉantyidyes 9

Share

Mọꞌdyes ọij jiꞌchäquiyisinꞌ muꞌ Jenꞌ ĉụiꞌsiꞌyaꞌ dyijyedyemꞌ muꞌ tsimꞌtacsi muntyiꞌ in, tyi chuc tsimꞌtacsiꞌ muꞌin mọmoꞌ ñịbeꞌ ĉọcsi. Meꞌ tsanꞌ fer muꞌ mạꞌjeꞌ muntyiꞌ, meꞌ tsanꞌ jam, jam mọꞌ jedyeꞌ yiꞌ, ĉụiꞌsiꞌyaꞌ dyijyedyeꞌ Jenꞌsiꞌ muꞌ ñịbeꞌ ĉọcsi.

Yi Jenꞌ jajiti Moisés: "Jụꞌñity ĉụiꞌ ramꞌ tsimꞌtacsi yụ, muꞌin ñịbeꞌ ĉọcsity yụ, judyeyaꞌ ñịbeꞌjeyacsi yụ."

Jam raꞌ meꞌ yéjaꞌ, ĉaĉaij na muntyiꞌ tsun jam tupuj jiꞌpenꞌtiĉaꞌ Jenꞌyaꞌ. Jeñej yiris puñuj jämꞌtacdyeꞌ muntyis in, mọꞌ jam junꞌ jiꞌpenꞌtiꞌ jụꞌñis chuc jajämꞌtisyaꞌ, mijam tupuj yiꞌ mọꞌ: "¿Junꞌ dash joꞌmeiꞌ jämꞌtim?"

Mọꞌdyes ọij jiꞌchäquiyisinꞌ, tyi chuc tsimꞌtacsi muꞌ Jenꞌ ĉụiꞌsiꞌyaꞌ dyijyedyeꞌ muꞌ, muꞌdye mọmoꞌ ñịbeꞌ ĉọcsi, meꞌdye muꞌ chimeꞌ tyi chuc tsimꞌtacsi ĉụiꞌsiꞌyaꞌ dyijyedyeꞌ muꞌ, chimuꞌdye meꞌjeyacsi jiꞌyäjcacsebi ĉojtyiꞌ muꞌin.

Jeshaꞌ, muꞌ jämꞌtyety puñuj tupuj muꞌdye pirij jedyeꞌ chuc jämꞌtyeꞌ muꞌ. Muꞌdye pirij tupuj jämꞌtyeꞌ yiris puñuj yụꞌtacdyes jämꞌsiꞌ jedyeꞌ, judyeyaꞌ yocsiꞌ jam jämꞌsidyes jedyeꞌ.