Popular Bible Verses from Jị'cavacdye' 9

Share

Muꞌin na jiꞌshucdyity jam ijactyiꞌ vaꞌtacdyeꞌyaꞌ jiquej in, mijam muꞌin dyijyeban juchajcheꞌ in, mijam farajjeꞌ in aꞌc̣his dyijyedyeꞌ muꞌin. Yejĉoij mọmoꞌ timaꞌqueꞌ sọyoꞌ in judyeyaꞌ dyụꞌtsacvaꞌjoij jämꞌtacdyeꞌyaꞌ in. Oro jämꞌtacsi in, judyeyaꞌ plata in judyeyaꞌ bronce in, mij in judyeyaꞌ son in, meꞌ meꞌ jämꞌtacsi in. Meꞌ tsanꞌ mọꞌin jam naijtiꞌ in mijam seꞌvaquiꞌ in mijam miꞌiꞌ in, ọij na timaꞌqueꞌ in. Yejĉoij ijatidyeij in judyeyaꞌ cọcojsiꞌnaqui in judyeyaꞌ voꞌvoij in judyeyaꞌ shuꞌaij chimeꞌ in, mijam damꞌ dyijyeban juchajcheꞌ in.

Mọꞌĉandye jịꞌsaꞌĉan shupquiꞌ daiꞌ jeꞌñeñes shíñu in, jaccheꞌ tŝọiꞌ in. Mọꞌin shíñu in anic ferdyeꞌ soꞌmac in paj qui chịꞌ in pachyiꞌ mọꞌin in, yojdyemꞌ ijtyiquij o, meꞌ ĉätinꞌdyeꞌ mọꞌinsiꞌ in. Mọꞌin jéyac in paj qui jam biruructyiꞌ in mijam qui däräꞌ jebeiꞌ in, muntyituiꞌ mọmoꞌ in, tyi chuc jam meꞌchuptety in Jenꞌsiꞌ cac̣htacdyeꞌ muꞌ jáficheꞌ muꞌin, muꞌin raꞌ paꞌchacsiꞌ in.

Ĉanamꞌyity anjer pejtyeꞌ boñedyeꞌ muꞌ. Pejyedyeꞌĉandyemꞌ cạvete yụ yirity ọ́rotaꞌ buꞌyity mạyedyeꞌcheꞌ jijtuijtyiꞌ. Muꞌ soꞌmac c̣hácaquis mọꞌ mochĉansidyes toꞌ

Mọꞌin shíñu buꞌyis in yụꞌtac raꞌ in ĉanamꞌ ịvaj, meꞌquiꞌ raꞌ paꞌchacsiꞌ muntyiꞌ in, därsiꞌ raꞌ ñịbedyes cạveꞌ in, jam qui na ramꞌ tupuj ijacsiꞌ in, yojdyemꞌ ijtyiquij o, meꞌ raꞌ ĉätinꞌdyeꞌ mọꞌin.

Muꞌ ayoꞌ mọꞌin shíñuty in, muꞌ anjer muꞌ ĉọjcaiꞌtyiꞌ mochĉansiꞌ toꞌ, muꞌ ayoꞌ mọꞌin. Hebreosĉan p̂eyacdyeꞌ tịj muꞌ Abadón, griegosĉan na Apolión meꞌ tịj ayos mọꞌin. Apolión yiꞌ ca yiꞌ "Ac̣hiꞌtacsis".