Popular Bible Verses from Jị'cavacdye' 20

Share

Tyi chuc jam sánactyiꞌ tịj in Jenꞌsiꞌcheꞌ quirca muꞌ, muꞌin meꞌtyity in vaꞌcac tŝijĉan in.

Chimeꞌdye cạvacseban yụ räj muꞌin säñity jiquej in, mujuꞌchaty in judyeyaꞌ uyaꞌyaty in, muꞌyaꞌ muꞌin in Jenꞌsiꞌyaꞌ vej in. Chat qui vanchuc mọꞌ quirca in judyeyaꞌ yocsiꞌ quirca chimeꞌ vanchuc, mọꞌ jiꞌjäcacsebiꞌ tịj Jenꞌyaꞌ raꞌ bäꞌyity in. Chat qui muꞌ Jenꞌ jịꞌcäts yụꞌtacsi muꞌin säñity in junꞌ junꞌ chuc sánac quircacheꞌ in, junꞌ junꞌ chuc bäꞌyaque jaccheꞌ jiquej in.

Jenꞌ jiꞌshupcacseban muꞌin marĉantyiꞌ p̂utity in, judyeyaꞌ muꞌin ruꞌdyeiꞌyaty in, judyeyaꞌ muꞌin säñitysiꞌĉantyiꞌ ĉärꞌtacdyeꞌ in, räj mọꞌ shubanꞌ Jenꞌyaꞌ. Jenꞌ räj jịꞌcäts yụꞌtacsi junꞌ chuc bäꞌyaque jaccheꞌ jiquej in. Muꞌin ruꞌdyeiꞌyaty in judyeyaꞌ muꞌin säñitysiꞌ ĉärꞌtacdyeꞌ muꞌin, muꞌin aty vaꞌcac tŝijĉan in. Mọꞌ jadyiquis sänꞌdyeꞌ päräꞌyis mọꞌ shupquiꞌ.

Cạveꞌ yụ yiris därsiꞌ ayos bäꞌyaquis muꞌ jaiꞌbas, cạvete yụ muꞌcheꞌ bäꞌyity chimeꞌ. Jac judyeyaꞌ mạyedyeꞌches jedyeꞌ räj mọꞌ mọtsiꞌ in Jenꞌsiꞌyaꞌ vej muꞌ, aty jam quivij jiꞌcavibunꞌ in.

Cạ̈tsetaquiyaꞌ raꞌ mir yómodyeꞌ, chat q̂uinꞌdyemꞌ raꞌ jiꞌshubac muꞌ Satanás, yóĉandyemꞌ ĉäꞌräijĉan u. Sacti raꞌ muꞌ väñätucsequi muntyiꞌ jacchety in, paiꞌ bäꞌyity in, muꞌin nash Gogvety in judyeyaꞌ Magogvety in, meꞌ jéyacsi in muꞌin fạ́quetety Jenꞌ in. Satanás raꞌ vajmuꞌyaꞌjeyacsi räj jacchety muntyiꞌ in, anic raꞌ daiꞌ jiꞌshupcacsi jeñejti marvety jáman. Meꞌtum raꞌ vajmuꞌyaij in paj qui chuti Jenꞌtum in.