Popular Bible Verses from Jị'cavacdye' 19

Share

Mọꞌdyes jemoñeꞌ maꞌjojaꞌ tsun, jemoñeꞌ därsiꞌtum maꞌjodyeꞌ timaꞌqueja Jenꞌ, ĉaĉaij na aty ayij tupudyeꞌ vämedyedyes raꞌ muꞌ Oveca buꞌyitysiꞌ, chimeꞌdye p̂en muꞌ aty jäꞌmiiꞌtyiꞌ vämedyedyes mọꞌ.

Coftyitycheꞌ muꞌ judyeyaꞌ jäñäcyaꞌ, sánac yiꞌ: "Muꞌ ayoꞌbuꞌyi räjdyes ayoꞌ in, muꞌ nash ayoꞌ, muꞌin ayoty in", yiꞌ sánacdyeꞌ.

Cạvi yụ vanacyiꞌ mạyedyeꞌcheꞌ, mọꞌcheꞌ jiꞌnaijtiꞌ yiris jaiꞌbas cavayo. Muꞌ foquiꞌtyity muꞌcheꞌ jéte in: Rụij Dyijyity, judyeyaꞌ Jịꞌcätseꞌtyiꞌ P̂eyacdyeꞌ, meꞌ jéte in, ĉaĉaij na rụijsisyaꞌ dyijyedyeꞌ chuti judyeyaꞌ jịꞌcäts yụꞌtacsi muntyiꞌ in.

Vej na muꞌ p̂údyeiꞌ jeꞌñeiꞌ adyeꞌ, joꞌnoꞌcheꞌ namꞌ daiꞌ meꞌchuiꞌ ĉästacdyeꞌ muꞌ. Chimeꞌ aꞌcheꞌ muꞌ sánac tịj muꞌ, mijam tyi chị́yepte mọꞌcheꞌ in, ĉụiꞌ mọmoꞌ chị́yaqui. Coftyity na muꞌ c̣huctac chäshĉan. Tịj na muꞌ: P̂eyacdyeꞌ buꞌyity.

Muꞌ P̂eyacdyeꞌ buꞌyity toꞌcacsis coc̣hino chutidyedyes shupquiꞌ chụꞌĉan muꞌ, meꞌ buꞌyiꞌ p̂eyacdyeꞌ muꞌ, mọꞌyaꞌ raꞌ muꞌ jiꞌpenacsi räj jacchety muntyiꞌ in. Chat qui raꞌ ayoꞌbuꞌyi muꞌindyes in, ferdyeꞌtum raꞌ ayoꞌbuꞌyi, yojdyemꞌ mutyudyeꞌ fiyero o. Muꞌdye raꞌ jịꞌcaveyacsi muntyiꞌ in därsiꞌ fạ́codyeꞌ muꞌ mujuꞌchaꞌ ferdyeꞌtumtyiꞌ Jenꞌ, jeñej yirity muntyiꞌ yútyevaꞌquety ova meꞌ buꞌyi raꞌ vaꞌtacdyeꞌ soꞌmacsi.

Chat qui tapteyac muꞌ vajedyedyeꞌ buꞌyity, muꞌtumdye väñädyeꞌyaꞌ p̂eyaquity, muꞌ p̂eyaqui vajedyedyeꞌ buꞌyitydyes, muꞌ jịꞌcaveyacsity ferdyeꞌ jiquej muꞌsiꞌyaꞌ vej vajedyedyeꞌ buꞌyitysiꞌyaꞌ. Ferdyeꞌyaꞌ jịꞌcaveyacsis muꞌ väñädyeꞌyaꞌ p̂eyaquity seꞌ jaꞌyacsi väñätucsi muꞌin cac̣htacdyeꞌtumtyiꞌ in vajedyedyeꞌ buꞌyitysiꞌyaꞌ judyeyaꞌ muꞌin jenꞌtuptety jämꞌtacdyeꞌ in, anicjeptety väñädyeꞌ in, muꞌin chimeꞌ seꞌ jaꞌyacsi muꞌ väñädyeꞌyaꞌ p̂eyaquity. Pärenꞌdye muꞌin tsạꞌ vaꞌcac tŝijĉan in, yóĉandyemꞌ coꞌshaiꞌĉan azufretumsiꞌ o.