Popular Bible Verses from Jị'cavacdye' 12

Share

Muꞌin na vojity tsun jiꞌpeñeꞌ Sọyoꞌ in muꞌsiꞌyaꞌ chäsh muꞌ Oveca buꞌyitysiꞌyaꞌ judyeyaꞌ Jenꞌsiꞌ p̂eyacdyeꞌ muꞌ, mọꞌ jịꞌchiqueyacsis in, mọꞌyaꞌ jiꞌpeñeꞌ in. Mijam quijñeꞌ chimeꞌ sänꞌdyeꞌ in, mijam otejjiti in ijac Jenꞌdyes in.

Yụ seꞌveꞌ fersiꞌ p̂eyacdyeꞌ mạyedyeꞌcheꞌ, yiꞌ: "Q̂uinꞌ chat aty ayij tupudyeꞌ, Jenꞌ aty raꞌ jiꞌc̣honacsi muntyiꞌ muꞌ. Muꞌ raꞌ jịꞌĉoiꞌ därsiꞌ ferdyeꞌ muꞌ, ferdyeꞌtum aty ayoꞌbuꞌyi muꞌ. Muꞌ Jiꞌc̣honacsity jajutitity Jenꞌ jịꞌĉoiꞌ raꞌ ferdyeꞌ muꞌ, aty raꞌ paiꞌ buꞌyiyaꞌ ọij jac ayoꞌbuꞌyi. Aty vaꞌcac mạyedyeꞌches mọꞌ Sọyoꞌ, mọꞌ ñäñibusinꞌsiꞌ vojity tsun Jenꞌsiꞌyaꞌ vej muꞌ, mạij judyeyaꞌ tsedyedyeꞌ meꞌ buꞌyi ñinacsiꞌ jiquej.

Tacjeyac muꞌ c̣hovaj buꞌyity, úcheꞌ jaccheꞌ jịꞌtŝoc muꞌ, muꞌ urucyatydye tạꞌcatydye muꞌ nas Sọyoꞌ, muꞌdyemꞌ Satanás, muꞌ väñätucsity räj jacchety muntyiꞌ in, anjertumdye muꞌ vaꞌcac jaccheꞌ tŝọij in.

Paj maꞌjoij miꞌin räj miꞌin mạyedyeꞌcheꞌ bäꞌyity miꞌin. Miꞌin na jaccheꞌ bäꞌyity miꞌin judyeyaꞌ marvety miꞌin, anic raꞌ där ñịbeꞌ cạvetiñeꞌ miꞌin, ĉaĉaij na aty miꞌincheꞌ tŝọiꞌ mọꞌ Sọyoꞌ. Anic där fạ́coij tyeij ĉaĉaij na chịj muꞌ aty c̣hẹiꞌyaꞌ jadyic raꞌ tupudyeꞌ muꞌ", yiꞌ mạyedyeꞌches p̂eyacdyeꞌ.

Chat qui chutidyeꞌ shupquiꞌ mạyedyeꞌcheꞌ. Muꞌin anjer in ayoꞌtum muꞌin Miguel, muꞌtum chuti in c̣hovaj buꞌyitytum räjtumdye anjer muꞌ.

Muꞌ c̣hovaj buꞌyity anic där fạ́coij tyeij mọꞌtum p̂entum, mọꞌdyes qui muꞌ ĉọcsequi p̂entyiꞌ vóshiꞌ mọꞌ, muꞌin chiqueptety Jenꞌsiꞌ p̂eyacdyeꞌ in judyeyaꞌ cäc̣häꞌchuiꞌtyiꞌ p̂eyacdyeꞌ in, mọꞌ soꞌmacsis Jesús, muꞌintum qui chuti in.

Jiꞌcavitiꞌ vátyequej yiris jiꞌcavitidyeꞌ mạyedyeꞌches anic jiquijnacdyes mọꞌ. Jiꞌnaijtiꞌ yiris p̂en mọꞌ comonꞌ buꞌyis tsunyaꞌ judyeyaꞌ yútyeꞌ mọꞌ ịvaj, ọ́rotaꞌ na ĉäs buꞌyi joꞌnoꞌcheꞌ mọꞌ, yiriꞌtac päräꞌ jiyi ọ́rotaꞌ, meꞌsiꞌ ĉäschucsiꞌ. Mọꞌ na jạjtsis p̂en aty areꞌreiꞌsiꞌ atsvun, aty shavyiꞌ aty c̣hẹiꞌyaꞌ basdyiꞌ mọꞌ.

Meꞌdye naꞌi ạvaꞌ mọꞌ sonꞌ, muꞌ raꞌ ayoꞌbuꞌyidyety räjdyes jacchety muntyiꞌ in, ferdyeꞌtum raꞌ ayoꞌbuꞌyi muꞌ, yojdyemꞌ mutyudyeꞌ fiyero o, meꞌ buꞌyiꞌ raꞌ ayoꞌbuꞌyedyeꞌ muꞌ. Muꞌ ạvaꞌ mọꞌ cạc Jenꞌyaꞌ, yócheꞌdyemꞌ ayoꞌbuꞌyi muꞌ u. Mọꞌ na p̂en ĉaꞌjoiꞌ cäjyasĉan jac jịjcaiꞌ. Muꞌĉan muꞌ Jenꞌ jäꞌmij jämꞌ yụꞌtyeyeꞌ paj qui mọꞌĉan bäꞌyiꞌ, yiriꞌ mir päräꞌ quiꞌ cien jäbän quiꞌtac mạyedyeꞌ meꞌsiꞌ jiꞌsäcsac mọꞌĉan.

Chat qui yocsiꞌ jiꞌcavitidyeꞌ jiꞌnaijtiꞌ mạyedyeꞌcheꞌ, anic där jiquijnacdyes mọꞌ, därtyiꞌ c̣hovaj buꞌyity jäijnäty, meꞌ jiꞌnaijtiꞌ. Yävätidyeꞌ joꞌnoꞌ muꞌ cäts ĉästacdyedyeꞌtum jịjcaiꞌ joꞌnomꞌ, dáshu qui namꞌ yiriꞌtac meꞌchuiꞌ. Muꞌ c̣hovaj buꞌyity cọ́diyaꞌ muꞌ daiꞌ vijtucsi mạyedyeꞌchety ọ́rotaꞌ in, arajdye chocyaꞌ quiꞌ ọ́rotaꞌ mạyedyeꞌchety in jịvaꞌchacsi, meꞌquiꞌ jäcacsi ọ́rotaꞌ in vaꞌcacsequi jaccheꞌ jịꞌtŝocsi. Chat qui muꞌ c̣hovaj buꞌyity ĉọ́queꞌ mọꞌ p̂en jambiꞌ basdyis, mọꞌsiꞌyaꞌ vej mọꞌ dyäqui muꞌ, bisbiꞌ ạvaꞌ mọꞌ, ĉaĉaij na muꞌ dyijyi jebebiꞌ raꞌ tsanꞌ ạvaꞌ mọꞌ.

Mọꞌsiꞌ na p̂ensiꞌ päräꞌ pavaj soꞌmac jeꞌñes boñis, chat qui mọꞌ turenꞌ jácati, cäjyasĉan jac jịjcaiꞌ ĉaꞌjoiꞌ mọꞌ, yóĉandyemꞌ jämꞌ yụꞌtac o. Chat qui mọꞌĉan ĉọjcac jam qui c̣hovaiꞌ, chibin yómodyeꞌ choc, meꞌquiꞌ jiꞌsäcsac mọꞌĉan. Chat qui muꞌ c̣hovaj buꞌyity jiꞌshupqueꞌ ojñiꞌ majsiꞌ chụꞌĉansiꞌ muꞌ, cojiro jiꞌshupte. Mọꞌ qui ojñiꞌ mạꞌjeꞌ tsanꞌ jiꞌp̂uteꞌ mọꞌ p̂en. Mọꞌ p̂en jañutyitiꞌ mọꞌ jac, ĉụiꞌdye vanacyiꞌ, mọꞌyaꞌ qui corenꞌ jịjcaiꞌ mọꞌ ojñiꞌ jiꞌshupques chụꞌĉan muꞌ c̣hovaj buꞌyity.