Popular Bible Verses from Proverbios 4

Share

Jämꞌ raꞌ ĉọjcaqui ĉụiꞌtyiꞌ ĉojtyiꞌ mi, jämꞌsiꞌ ramꞌ dyijyedyeꞌ meꞌchuiꞌ mi, ĉaĉaij na junꞌ chuc dyijyejaꞌ ĉojtyiꞌĉan tsun meꞌ raꞌ bäꞌjaꞌ tsun.

Rụij dyijyeva mi junꞌ chuc raꞌ jämꞌtaqui mi, meꞌ raꞌ chat tupuj räj jämꞌ shupquiꞌ mídyes.

Meijjevaꞌ räj väñädyeꞌ mi, aty jam raꞌ damꞌ väñäij mi, mijam raꞌ damꞌ aꞌc̣his p̂eyacdyeꞌ jiꞌshupqueꞌ mi.

Mọꞌ tashcheꞌ jemonacsiꞌ mọꞌ nash mọꞌ rụijsis dyijyedyeꞌ, mọꞌdyes yụꞌtyevaꞌ ferdyeꞌ paj qui chị́yeꞌ mi jedyeꞌ buty mọꞌ cạiꞌ; ọyaꞌyaꞌ jacches jedyeꞌ in.

Muꞌin na rụijtyity in jam muꞌinsiꞌ meꞌ majmi in, mạijquedyeꞌ muꞌin cäc̣häꞌchuiꞌ in, meijquejĉoij rụij bäꞌyi in junꞌ quiꞌ chuc nạijjoiꞌ. Muꞌin ac̣hiꞌyity in tojmadyeꞌĉan bäꞌyi in, meꞌdyes qui muꞌin tachyi jọꞌchaij in, jam qui namꞌ chịj in jedyeꞌcheꞌ buty tachyi in.

Mạꞌjevaꞌ rụijsis dyijyedyeꞌ jam raꞌ farajjem, mọꞌ raꞌ jiꞌc̣hoñin mi.

Jämꞌ raꞌ cäc̣häꞌchuiꞌ mi ọij jiꞌchäyitidyeꞌ, jam raꞌ damꞌ farajjeꞌ mi. Jemoñeꞌ räjĉan chiqueꞌ mi, mọꞌ raꞌ tsạꞌchun.

Jam raꞌ cäc̣häꞌchucsebim ac̣hiꞌyitysiꞌ dyijyedyeꞌ muꞌin, mijam raꞌ ac̣hiꞌ bäꞌyi mi.

Ạvaꞌ, seꞌvibutiꞌ ram ọij jiꞌchäyitidyeꞌ soꞌmeyes yụ, yụ nash jenꞌ mi. Jämꞌ raꞌ seꞌvaquim paj qui chị́yebim dyijyedyeꞌ mọꞌ tuyinsiꞌ.