Popular Bible Verses from Marcos 6

Share

Atsij yoctyiꞌ muntyiꞌ in, jam damꞌ farajjete in mọꞌdyes qui muꞌin jam tupuj säcsi in. Mọꞌdyes qui muꞌ Jesús jéyacsi jutactyiꞌ muꞌ: —Jeshaꞌ, cäjyasĉan jac jịjcajaꞌ tsun, paj qui muꞌĉan damꞌ jịꞌjutyiti miꞌin.

Mọꞌdyes yi Jesús jéyacsi: —Paiꞌ junaꞌ ĉụiꞌ jụjyi muꞌcheꞌ in jasoꞌmititycheꞌ p̂eyacdyeꞌ Jenꞌ in, muꞌin na ĉụiꞌtyiꞌ chätidyeꞌ muꞌ judyeyaꞌ ĉụiꞌsiꞌĉantyiꞌ bäꞌyedyeꞌ in, jam damꞌ muꞌin jụjyi muꞌcheꞌ in.

Aty sojquiti in, cạvacsi anic shachtyity muntyiꞌ in. Där ñịbeꞌ ĉọcsi muꞌ ĉaĉaij na muꞌin jeñej oveca in jam ĉọjcacsiꞌ in, meꞌ cạvacsi muꞌ muntyiꞌ. Tiyacchuiꞌ qui jịꞌchiyacsi, daiꞌ jedyeꞌ jịꞌchiyacsi Jesús.

Chat qui muꞌyaꞌ muꞌ Jesús jam junꞌ jịꞌcaveyacsi ferdyeꞌ muꞌ, juñucsimꞌ tocoꞌjeyacsi areꞌreijtyiꞌ muntyiꞌ in jiꞌchäcacseban. Muꞌ anic äjyi jam anicjete in. Chat qui muꞌ Jesús sacti socorꞌjeꞌ bäꞌyedyeꞌ c̣hẹiꞌyaꞌmunsiꞌ in, jịꞌchiyacsi muꞌĉantyiꞌ muntyiꞌ in.

Chat qui muꞌ Jesús tapjete ĉanamꞌtyity pan judyeyaꞌ päräꞌsis tạbedyeꞌ in, mạyedyeꞌcheꞌ cạvi, yoshoropaij jéte Jenꞌ muꞌ. Chat qui q̂uemiꞌvete pan soꞌmacsi qui jịꞌchiyactyiꞌ muꞌ, muꞌin qui jiꞌcheteyacsi yoctyiꞌ muntyiꞌ in. Chimuꞌdye q̂uemiꞌveꞌ päräꞌsis tạbedyeꞌ muntyidyes in. Räjdye muꞌin säcsi in jämꞌ c̣hụcmun yuꞌti in. Chat qui muꞌin jịꞌchiyactyiꞌ muꞌ tsimjanꞌ in mọꞌ jiꞌshucdyidyeꞌ muꞌin pan judyeyaꞌ tạbedyeꞌ in, yiriꞌtac päräꞌ jiyiꞌ ụ́buꞌ, meꞌquiꞌ jubanꞌ mọꞌ jiꞌshucdyidyeꞌ muꞌin.