Popular Bible Verses from Marcos 5

Share

Jesús jeꞌ: —Ạvaꞌ yụ, aty anicyedyeꞌyaꞌ chäĉänꞌ mi, maꞌjodyeꞌtum acatubada q̂uinꞌ, q̂uinꞌ chat räsh aty chäĉänꞌ mi.

Chimeꞌdye mọꞌyaꞌ yiris p̂en japacjoiꞌsiꞌ, yiriꞌtac päräꞌ jiyiꞌ yómodyeꞌ meꞌ buꞌyiꞌ chäshvaquiꞌ aꞌ mọꞌ. Meꞌ tsanꞌ daiꞌ quiꞌ jịꞌpiñitutiꞌ pịñitucsityyaꞌ in, yejĉoij tacaꞌ meꞌ mọmoꞌ. Chijämꞌ ñäpjeyaquiꞌ jedyeꞌ mọꞌ mijam qui namꞌ jụꞌñiiꞌ chäĉänꞌ, meij mọmoꞌ jịjcaiꞌ tseꞌiꞌ japacjodyemꞌ.

Rụijdye meꞌ, täjyedyeꞌĉan mọmoꞌ, täts tyeiꞌ chäshvacdyeꞌ mọꞌ, jiꞌĉujcayitiꞌ shushĉan mọꞌ aty chäĉänꞌ.

Tapjebiꞌ un mọꞌ jeꞌ: —Talita, cum (yiꞌ ca yiꞌ: "Nanas, yụ jéye, sacyebada mi.")

Tacaꞌ p̂eyacvaꞌjoij muꞌ Jesús atsij in ayosĉantyiꞌ acaꞌ in, p̂eyacdyeꞌ tuiꞌtyiꞌ in. Jéte in: —Aty nash säñiꞌ ạvaꞌ mi. Meꞌquiꞌdye raꞌ meꞌte Jesús mi. Jesús jam seꞌvacsebi p̂eyacdyeꞌ muꞌin. Jajiti mọmoꞌ muꞌ ayoꞌ: —Jam raꞌ cajotyiti mi, anicyeva mọmoꞌ mi.

Meꞌ yi muꞌ ĉaĉaij na Jesús jajiti tashcheꞌ jiquej: —Mi sọyoꞌ, meijyebada ọ́ĉan muntyiꞌĉan —jajiti jiquej. Chimeꞌdye muꞌ Jesús jajiti: —¿Tyi tịj u mi? Vorjete: —Yụ́siꞌ nash tịj: "Daiꞌtyiꞌ", ĉaĉaij na anic jiyiꞌ daiꞌ buꞌyiꞌ tsun.