Popular Bible Verses from 2е Коринфянам 4

Share

Сюмыҳтаӷа̄ткумаңинӣгатапут сыӷлылӣлъыпут. Итупилъ сюмыҳтаӷа̄ткақапут ысҳаҳпагниңилъкыпут. Қантаӷақун сыӷлылӣлъыпут кынлытҳӯлъықут, иўырңа қуялъыҳпут ысҳӣгалъкыфут қӯнпыкаҳқа̄гуқ.

Ынка̄м ӣлъқаюгигатукут. Қайўа югусипут кая̄ликыстаӷьяӷңа̄та, таӷныӷапут нутаҳтыңъӯт аҳутаңа тамаҳа̄н. Сыӷлылӣлъыпут сясқуҳа̄гут мулюяҳқа̄нӷитут. Иўырңа тама̄кут ята̄ҳқутңўӣлъю алъхыҳтысқылъюку Кияӷныӷмың кынлыңилңуқ қуялъыҳлъяк. Ынка̄м сыӷлылӣлъыпут аваңилңуӷыстун аюқут.

Сыӷлылӣлъыңақукут алъя̄ҳӣнатун иўырңа кая̄лъқигатӣлъю. Иляңакун кукшагьюлъыңақукут иўырңа сиӷималъҳӣсигатукут. Амьюқыта̄ткылъыңақукут, иўырңа Кияӷныӷым унисигатӣлъю; ақниҳқўа̄лъыңақукут, иўырңа туқуңигатукут.

Иўырңа хўаңкунъун Кияӷныӷым канаҳтыкақа̄ та̄на ниӷук кӯкхутысқылъюку илюмнъи. Хўаңкута қикустун қантаҳқастун аюқукут, ынка̄м тамаңан лӣгикылъықа̄т аҳтуӷьяҳқа̄нӷитыҳлъяк Кияӷныҳта̄нилюку, хўаңкунъың пиңунӷинъилюку.

Лъңита ухпықигата̄т уңипаҳпут қаюҳлъяк Туӷныӷа̄м, ӯм нунам Кияӷныӷын, ая̄стыкақӣ умьюгӣт. Ысҳанӷитыстақа̄ ниӷуга Пинилӷӣм Уңипам ниӷуҳқылъҳаның Христосымың аюқылӷӣ. Христос Кияӷныҳтун аюқуқ.

Кияӷныӷӯқ хўатын пикақ: «Йықай ниӷук кӯкхулъи мамлылъыӷмың!» Лъңаңӯқ ата̄сиқ Кияӷнық кӯкхутыстилӷӣ ниӷугмың илюмнъун. Та̄хун ниӷухкун лӣтаҳпут ниӷуҳқылъҳа Кияӷныӷым, кӯкхулъҳӣ Иисус Христосым хина̄ның.