Popular Bible Verses from 1е Тимофею 6

Share

Пилъюўа̄тигу ухпықилъық қаюҳлъяк таўатын пилъюўалъық пинилӷӣңӯқ. Тугугулъю кынлыңилңуқ уңувалъық. Кияӷныӷым тахсиқақа̄тын тугуклъӣсқылъюку та̄на уңувалъық а̄пҳақңавгу ухпықилъҳын ухпықалӷутнун.

Манимың пиниқылъық акуқа̄ қамахлъюни сыӷлыӷым. Иляңита югыт пыхтақа̄т ухпықилъыҳтың қаюҳлъяк манитуҳқа̄ҳлъягьюлӷӣт. Ынка̄м лъңит қивӷуҳлъягуҳтақут.

Иўырңа алъхыӷутыҳлъяхлъықукут кияҳтыкумта Кияӷныӷым кияҳтысқысюлъҳатун итагнақлъюку пикатуталвут.

Алъхыӷақңамта нунамун кылъқутңитукут, туқукумталъю кылъқутылгуна̄нӷитукут.

Қука̄юхтыснаниҳқи тама̄кут аклъюңилңӯт нунами хўани, талўа сиӷимаснаниҳқи аклъюңиңитхун налъюнықналӷӣтхун. Иўырңа сиӷимасқики Кияӷныҳқун. Лъңан иӷлыгутыхпына̄мта тӯнақӣлъю сямың тамаҳа̄ның пиниӷью̄гусиҳқамың.

Иўырңа тама̄кут аклъюңиӷиюлӷӣт нанӷӣқулъыңақут. Сыӷлыӷым пиюкылъҳита тугўа̄қӣ ынка̄м тымңитхўаҳлъягуҳтақут. Та̄хкын пиюкылъҳита сяюгақӣ на̄фқылъыӷмун.

Аклъюңилңӯт пинитун писқики, аклъюңитысқики пинитун қыпҳалъыҳқун, иӷлылъңунаки тӯниюкыстаӷлюки иляңитнун югнун. Таўатын пикумың кахпахлъықа̄т аклъюңи лъмыхнун. Та̄на аклъюңи аюгилңӯгуқ тунымақ а̄гнакаҳқӣтнилңуқ. Ынка̄м уңувалъыңылъықут уңувалъыпигмың.