Popular Bible Verses from Hebreo 1

Share

Ichi Warrapa Tachi Ak'õre k'ĩrawãrea achiterrea unupiparima. Ichiapuru Tachi Ak'õre sãmaasã́ bɨt'a k'awapiparima. Ichi pedea jua chaarea bɨdepa ne ãarea ooda ichi juade ara mãɨya uru bɨma. Ichia tachi nemietá oodada sɨɨk'ari Tachi Ak'õre chi auk'ará bɨ juaraari pajãne suak'abari beesima.

Naenaena Tachi Ak'õrepa tachi chõarãenapemarã́ bari k'ak'o minachia wawariadepa pedeapachima. Chi ichi pari pedeapataɨrãnepa mãɨya oosima. Maamina nãɨ k'aadeapema ewaride ichi Warradepa tachiá pedeasima. Ichi Warradepa Tachi Ak'õrepa ne ãarea oosima mãɨnepa ichi bɨsima ne ãarea uru bamẽrá.

Mãɨyara ¿Tachi Ak'õrepa ɨt'aripa peedaɨrã k'airãma? Mãɨrã ãarea Tachi Ak'õre pae p'anɨẽra, ãchi peeparima chi ichia k'aripai bɨɨrã mãɨrã ak'ɨ p'ananamẽrá.

Mãɨnepa nãɨya jarasima: «Tachi Chipari, naenaena pɨa nãɨ ĩjũa oosima mãɨnepa pɨchi juadepa pajã oosima. Jõma mãɨ jõipɨ maamina pɨ ara mãɨya baipɨ. Jõma mãɨ chota paipɨ p'aru sore papari jĩra.