Popular Bible Verses from Gálata 6

Share

Mãɨpuru sẽnawẽa nepia oo p'anat'ɨ. Sẽnawẽa p'anɨpɨra, Tachi Ak'õrepa bɨda ewaride tachia nepia atadaipɨ.

Mãɨ k'orea tachia p'ue ooutacha, jõmãɨrã minachia k'aripadai p'anɨma. Chi Jesude ĩjãapataɨrãt'a mãɨya atepe k'aripadai p'anɨma.

Nepɨrade p'anɨne chi k'aripat'ɨ. Mãɨya Cristopa oopi bɨt'a mãrapa jõma oodaipɨ.

Ara mãra tuaba searãt'ɨ. Abaɨ pida Tachi Ak'õre p'ue seaiwẽma. K'ɨ̃risiat'ɨ: chi ne uurupa ichia uuda jĩra ara mãɨya baaipɨ.

Mãɨ k'orea nãɨ k'ak'uapa nemietá oo k'ɨ̃ria bɨ abaɨpa oo bɨpɨra, Tachi Ak'õrepa mãɨ ẽpẽra ɨtɨaipɨ. Maamina Tachi Ak'õre Jaorepa k'ɨ̃ria bɨ abaɨpa oo bɨpɨra, Tachi Ak'õrepa mãɨ ẽpẽra ewaricha ichi ome chok'ae bɨipɨ.

Ũpẽarã, mãranepema k'awawẽa nemietaade baesira, mãra chi Tachi Ak'õre Jaoredepa p'ɨrrɨa p'anɨpa, waapẽarã k'aepẽra piipará be jĩra k'ɨ̃risiadak'aɨdepa, mãɨ k'aripadai p'anɨma mãicha jĩp'a nipamẽrá. Maamina jĩrak'aua p'anat'ɨ mãra sida abarik'a nemietaade baedaemaapa.

Chi atepewẽa bɨpa ichi chi minachia k'awa bɨ jĩra k'ɨ̃risia bɨpɨra, ara ichi tuaba sea bɨma. Abaɨpa oo bɨ ak'ɨdai k'aepẽra ara tachia oo p'anɨt'a ak'ɨi p'anɨma, jĩp'a oo p'anɨt'a k'awadai k'orea. Mãɨya ara tachia oo p'anɨ k'orea arapá baipɨ. Tachicha oodai p'anɨt'a jõma jĩp'a oodai p'anɨma.