Popular Bible Verses from Romans 2

Share

Iwernga nanqigtaqaten anaggullghiit, naqamllu elpek katam piiqaten tamaakut ataasit anaggutellghet. Enkaam sumeghpenii anagyaghqaaniluku piziguu Kiyaghneghem nanqigtillgha? Liigikenghisiguu nangllegtaghtulanga Kiyaghneghem? Aghyuughaghsigalkangaten tawaninginaq qayughllak nuqetutaqegkangaten. Sumeghpenii‑i taakut satngunghitaat? Liisimakenghisiguu Kiyaghneghem nangllekaqegkangaten qayughllak avuteghqesqesukangaten?

Tamaaken apalluqluku nanqigtikuvek yugneng anagniilqavigituten. Nanqiggneghpeki, elpeneng nanqigtaquten aghyuughyaghqaaluten qayughllak elpeklu ellngistun piiqelghiiten.

Taniillngunaki Kiyaghneghem nanqiglleqii qamagtengngwaaghluki yuget.

Tamaakut nagataghesnalghiit Liilightuusaminun, Kiyaghneghem nallghusiigatii elqughutngalleghminun. Iwernga qaatkullghiit Liilightuusaminun nallghughqaqii elqughutngalleghminun.

Nanqiglleqii tamaghhiita yuget apeghiighutellghistun.

Iwernga ilangi yuget ellnginaayugneghuut. Ugpeqsugigataat ipapilleq seghlepestaatun pinaluteng. Enkaam Kiyaghneghem sakrituteghllagluki, aghyuughllaglleqii.

Iwernga elpek aleghquneghlluguuten, pineghlluguuten; tamaaken apalluqluku avuteghqesugigatuten. Enkaangaam elpek katam ulimangwaan aghyuullengelleghqan seghleghataghaaluku Nanqigtillghem Aghneghani. Tawani Aghneghmi Kiyaghneghem aliighlleqaak sakraallenillu, elqughutngalghiillu nanqigtilleni.